Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
POLITIKE
"Edukimi sportiv i nxënësve do të jetë shtyllë kryesore e sistemit arsimor", Berisha: Do mbështeten edhe sportet e tjera, jo vetëm futbolli
r.llPërditësimi i fundit 2 Prill 2025, 20:15
sali berisha
TIRANË- Kryetari i Partisë Demokratike, Sali Berisha ka mbajtur fjalën e tij gjatë prezantimit të programit politik për sportin. Berisha tha se edukimi sportiv i nxënësve do të jetë shtyllë kryesore e sistemit të tyre arsimor. Më tej u shpreh se mbështetje do të kenë të gjitha sportet, jo vetëm futbolli që është sporti më popullor. Berisha tha se Shqipëria pavarësisht vështirësive të saj, ka arritur maja evropiane dhe botërore në disa sporte dhe ky sipas tij është fakt i pamohueshëm.
"PD e konsideron sportin dhe edukimin të pandarë nga njëri-tjetri. Edukimi sportiv i nxënësve, i të rinjve do të jetë shtyllë kryesore e sistemit tonë arsimor. Është sot e njohur se çfarë rëndësie ka në suksesin, në rezultatin e individit, performanca e tij, përgatitja e tij psikologjike dhe fizike.
Të dyja këto të lidhura shumë me sportin. Degët e sportit do të gjejnë mbështetje, stimuj, jo duke i shpallur kapitenë apo kolonelë me paleta, por duke u shpërblyer pa i militarizuar ata apo ato për të gjithë meritën që kanë. Duke shprehur mirënjohjen për përfaqësimin e tyre për kombin, flamurin në gara dhe ndeshje ndërkombëtare. Sigurisht që futbolli mbetet sporti më popullor.
Por kjo nuk do të thotë që të eklipsohen, të injorohen sportet e tjera dhe mbështetja për sportet e tjera. Jo! Do vendoset një proporcion i pranueshëm dhe i drejtë në mbështetjen e qeverisë dhe ministrisë së sporteve ndaj formave të tjera të sportit përveç futbollit. Shqipëria, pavarësisht vështirësive të saj, por ka arritur maja evropiane dhe botërore dhe ky është fakt i pamohueshëm jo në një, por në disa sporte të tjera. Ndaj dhe ne i qëndrojmë mbështetjes së fuqishme dhe përjashtimit të mbështetjeve të njëanshme në financime dhe mbështetje të tjera për lloje të ndryshme të sportit.", tha Berisha.
