Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
POLITIKE
Erion Braçe i quajti "kartel", kreu i Shoqatës së Hidrokarbureve e sfidon: Këtë vend e ka mbuluar padija, deputeti të kërkojë falje
PiranjatPërditësimi i fundit 30 Mars 2026, 21:39
Kryetari i Shoqatës së Hidrokarbureve, Luigj Aliaj ka sqaruar funksionimin e tregut të karburanteve në Shqipëri. Ai tha se aktualisht janë 254 kompani me licencë, ku rreth 6 janë më të mëdhatë si Kastrati, Gega, Europetrol, ndërsa GP furnizon mbi 90% të tregut të naftës. Sipas tij, hyrja e Shell ka sjellë çmime të reja në treg, duke rritur konkurrencën.
Aliaj theksoi se Shoqata e Hidrokarbureve nuk shet dhe nuk blen karburant, por vetëm studion tregun dhe jep udhëzime. Ai kujtoi se shoqata është hetuar 8 herë nga Autoriteti i Konkurrencës pa u gjetur shkelje.
“Ne e fitojmë bukën me punën tonë, jo me taksat e qytetarëve, nuk jemi kartel siç na qujanë të pa diturit, sepse Shoqata e Hidrokarbureve as nuk shet as nuk blen”, u shpreh ai.
Duke iu përgjigjur akuzave të ish-deputetit Erion Braçe, i cili e ka cilësuar Shoqatën si “kartel” që ndikon në çmimet e naftës, Aliaj i quajti këto deklarata “sofizma”. Ai tha se nuk ka favore, por kompani që marrin më shumë treg falë punës dhe shërbimit.
Në fund, Aliaj e ftoi publikisht Braçen të marrë përgjegjësinë për transparencën në treg ose, sipas tij, të kërkojë falje.
“Shoqata nuk është kartel, nuk shet e nuk blen. Nëse ka bindje të kundërta, le të vendoset në krye të Bordit të transparencës dhe të mbajë përgjegjësi ose të kërkojë falje”, deklaroi ai.
