Çështja “Gërdeci”/ Shtyhet për në 11 shtator seanca për Mediun, avokati kërkoi kohë të njihet me përgjigjet e ekspertëve për 113 pyetjet

Mediu

TIRANË- Ditën e sotme do të mbahej seanca e radhës gjyqësore për çështjen Gërdeci për ish-ministrin e Mbrojtjes, Fatmir Mediu. Seanca nisi në orën 09:00 ndërsa ajo është shtyrë për me datë 11 shtator.

Mësohet se shkak i shtyrjes së seancës ka qene avokati i Fatmir Mediut i cili kërkoi kohë të njihen me përgjigjet e 5 ekspertëve për 113 pyetjet. Deri më tani bashkë me seancën e sotme janë zhvilluar 7 seanca, të cilat janë shtyrë. Mediu po hetohet për shpërdorim detyre për tragjedinë ku humbën jetën 26 persona.

Ish-ministri, Mediu po hetohet për çështjen "Gërdeci", tragjedi e cila ndodhi në 15 mars të vitit 2008, ku nga shpërthimi i punishtes së demontimit të armëve mbetën 26 të vrarë dhe qindra të plagosur. Mediu po gjykohet për dy akuza, atë të “Shpërdorimit të Detyrës” dhe “Shpërdorim i detyrës në bashkëpunim me subjekt ushtarak-kuadër komandues”.  Ish-ministri ka mohuar akuzat ndaj tij, duke u shprehur se gjatë detyrës ka zbatuar gjithnjë ligjin.

fatmir mediu gerdeci