I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
POLITIKE
"Çfarë u sjell minatorëve Lamborghini i Noizyt", Berisha në Bulqizë: Do mbrojmë shëndetin e minatorëve! Renta minerare do t’i mbetet komunitetit lokal
r.llPërditësimi i fundit 5 Maj 2025, 14:32
sali berisha
BULQIZË- Kreu i PD-së, Sali Berisha deklaroi sot në takimin e zhvilluar në Bulqizë se do të mbrohet me çdo kush shëndeti i minatorit. Berisha tha se karta e konsumatorit do shtrihet tek të gjithë minatorët, zjarrtarët, gjeologët.
Më tej, kryedemokrati u shpreh se renta minerare u vendos mbi një kuadër ndërkombëtar të OKB, sipas të cilës ajo duhet të merret dhe t’u jepet autoriteteve lokale për nevoja. Me ardhjen e PD-së në qeveri, Berisha tha se renta do i mbetet komunitetit lokal.
Gjatë fjalës së tij, Berisha ka ironizuar takimin e PS pak ditë më parë në Dibër, ku pyeti se "çfarë u sjell minatorëve Lamborghini i Noizyt".
Ndërsa iu përgjigj deklaratave të Ramës në Devoll, Berisha tha se i mban ato fjalime jo "se është i rrjedhur, por se është i trembur".
PJESË NGA FJALA E BERISHËS:
Trajtimi mjekësor do jetë krejtësisht i veçantë, sipas profilit të minierave. Do mbrohet me çdo kusht shëndeti juaj. Minierat kanë grimcat, është e njohur. Pra, shëndeti i minatorit do ketë një përparësi të madhe. Karta e konsumatorit do shtrihet tek të gjithë minatorët, zjarrtarët, gjeologët. Karta e konsumatorit do të thotë që do blini çdo gjë që u duhet për jetesën tuaj 20 përqind më lirë. Tjetër. Ne futëm për herë të parë rentën sepse ne jemi parti e taksave të ulëta. Ajo taksë të ngelej për Bulqizën, për shkollat, për qendrën shëndetësore. Merr fund! Dhe marrëveshja ndërkombëtare e Shqipërisë për rentën ka këtë përcaktim.
Renta u vendos mbi një kuadër ndërkombëtar të OKB, sipas të cilës ajo duhet të merret dhe t’u jepet autoriteteve lokale për nevoja. Këta e grabisin, e marrin vetë. Merr fund ajo. Renta do i mbetet komunitetit lokal. Dhe ky status, kjo situatë do shtrihet në të gjithë Shqipërinë. Pa përjashtim. Made in Albania është shtylla e dytë kryesore e prodhimit tonë. Krenaria jonë është prodhimi ynë kombëtar. Dhe ne mund të nxjerrim minerale ndoshta më shumë se çdo vend tjetër në Ballkan. Askush nuk ka shumëllojshmërinë e mineraleve dhe minierave tona. Jo vetëm do i nxjerrim, por do i shndërrojmë më pasuri dhe mirëqenie për ju. Unë përgëzoj zotin Spahiu për angazhimin e tij direkt dhe zotin Gëzim Kalaja, që me aq vendosmëri ka mbrojtur kauzën tuaj. Kauza juaj është e drejtë dhe ajo kauzë me datën 11 Maj triumfon në mënyrë përfundimtare. Unë personalisht u them ju se atë e grupoi si një borxh që Shqipëria ka ndaj jush. Dhe borxhi do kthehet. Borxhliu që nuk kthen borxhin është i mjerë.
Ne do u vendosim ju në piedestalin që meritoni! Miq, ky është programi ynë për minatorët. Por dëgjojeni pak programin tjetër. Një pyetje t’u bëj, po çfarë i hyn në punë minatorëve që rraskapiten 8 orë në galeri, Lamborghini i Noizit? Më thoni ju mua? Çfarë u sjell minatorëve Lamborghini i Noizit. Sot ai në Devoll, mosha e ka bërë të rrjedhur Berishës. Unë nuk i them se je i rrjedhur Edi Rama. Edi, nuk je i rrjedhur, por je i trembur. Je i tmerruar. Ti edhe klounin bën, por prapë hajde këtu në këtë sallë të dalim përpara këtyre burrave. Po ta mban, hajde këtu, mos dil me Lamborhinin e Noizit, po dil me këta.
Dil pak këtu, dëgjoji këta burrash se çfarë sakrificash bëjnë. Po ty nuk ta vret fare për ta se mendjen e ke te Lamborghinët, e ke te Kopshti i Edenit që e blen 5 milionë euro për të eglendisur sytë, dhe të sëmurët i lë pa ilaçe në Spitalin Onkologjik. Ndaj dhe lëri ato ti.. Ai bën klounin, po nuk është as kloun. Problemi i tij është se nuk di ku të fusë kokën. Ai është në rreth të kuq, prandaj bën klounin. Ai është në rreth të kuq sepse siç u damkos në rezolutën e udhëheqjes politike më kryesore të Europës, ky është armik i pluralizmit, ky është armik i opozitës, ky është sipërmarrës i përbashkët me krimin. Ndaj ta kesh të qartë ai se kurrë, deri në orën e fundit të jetës së tij, këto damka nuk i hiqen.Nuk del nga rrethi i kuq më.
