Fokusi te ekonomia, Shehaj: Shqipëria duhet të pasurohet, ky është qëllimi ynë! Do të kthejmë shpresën tek shqiptarët

Takimi

TIRANË- Agron Shehaj ditën e sotme ka mbledhur konventën themeluese të Partisë Mundësia në Pallatin e Kongreseve. Gjatë fjalës së tij Shehaj u shpreh se qëllimi i kësaj partie është që Shqipëria të pasurohet. Ai më tej shtoi se ekonomia është prioritet i projektit të tyre politik dhe se zgjidhja e çdo problemi kalon nëpërmjet rritjes ekonomike.

Shehaj tha se shqiptarët kanë ikur nga vendi për të mos u kthyer pasi nuk shikojnë sigurinë ekonomike në Shqipëri. Ai theksoi se Shqipëria vijon të jetë në varfëri pasi sipas tij rritja ekonomike ka qenë minimale.

"Shqipëria duhet të pasurohet, ky është qellimi ynë. Dhe e zgjidhja zgjidhje vjen përmes rritjes ekonomike. Ekonomia, Ekonomia, Ekonomia. Ky është prioriteti i projektit tonë politik. Zgjidhja e çdo problemi kalon nëpërmjet rritjes ekonomike. Nëse nuk do të fitojmë më shumë, nëse nuk mund ti japim fëmijëvë një jetë më të mirë, shqiptarët do vahdojnë të largohen.

Shqiptarët që kanë ikur nuk kanë për tu kthyer kurrë në Shëipëri nëse nuk shikojnë këtu mundësitë dhe sigurinë ekonomike. Dhe që kjo të ndodhe, ekonomia duhet të rritet me ritme të larta. Shëipëria vijon të jetë një vend i varfër sepse rritja ekonomike ka qenë minimale, gjithmonë më poshtë se rajoni, vetëm një rritje dyfishore mund të nxjerrë Shqipërinë nga varfëria," tha Shehaj.

Ai shtoi se partia e re do tu kthejë shpresën shqiptarëvë dhe se do të jënë parti mundësisht ku njerëzit do të ndihen të përfaqësuar.

“Do të kthejmë shpresën tek shqiptarët. Do të ngrejme një parti politike europiane, të ndershme, eficente, të jashtëzakonshme. Një parti që siç ka emrin ashtu do të jetë. Një parti mundësish. Një parti ku njerëzit do të ndihen të përfaqësuar.

Do të shkojmë drejt zgjedhjeve me bindjen se ne do sjellim ndryshimin. Se ne do te krijojme mundesi per te gjithe. Ne nuk dorëzohemi. Ne do të luftojmë modelin e vjedhjes se mundesive deri në fund. Ne do të luftojmë korrupsionin dhe padrejtësitë çdo ditë. Ne do të luftojmë për vendin tone çdo ditë dhe çdo natë.  Së bashku do ia dalim. Tju japim shqiptareve ate qe ju takon, mundesite e mohuara, per nje jete me te mire ne shtepine e tyre.” tha ai.

agron shehaj partia mundesia