"Fondi i tij i vyer do të restaurohet dhe dixhitalizohet", Rama: Dorëshkrimet e Ismail Kadaresë do të ruhen në Drejtorinë e Përgjithshme të Arkivave

Ismail Kadare

TIRANA- Kryeministri Edi Rama ka bërë me dije sot se fondi i vyer i veprimtarisë letrare të gjeniut të letrave shqipe, Ismail Kadare, do të ruhet në një pavion të veçantë të Drejtorisë së Përgjithshme të Arkivave.

Rama shkruan në një postim në rrjetet sociale se familjarët e shkrimtarit të madh kanë dorëzuar për ruajtje, administrim, restaurim dhe digjitalizim të gjithë koleksionin e tij letrar përfshirë dorëshkrime, skicë idesh, dorëshkrime të veprave të pabotuara si dhe drafte fillestare të punimeve të tij.

Postimi:

Fondi i vyer i veprimtarisë letrare të shkrimtarit të madh Ismail Kadare do të ruhet në një pavion të veçantë të Drejtorisë së Përgjithshme të Arkivave.

Familjarët e shkrimtarit të madh kanë dorëzuar për ruajtje, administrim, restaurim dhe digjitalizim të gjithë koleksionin e tij letrar përfshirë dorëshkrime, skicë idesh, dorëshkrime të veprave të pabotuara si dhe drafte fillestare të punimeve të tij.

Kolosi i letrave shqipe, Ismail Kadare u nda nga jeta mëngjesin e 1 korrikut 2024 në Tiranë në moshën 88-vjeçare pasi pësoi “arrest kardio-respirator” në shtëpinë e tij dhe vdiq në spitalin e QSUT në Tiranë.

ismail kadare