Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
POLITIKE
FOTO/ Rama takoi Rabinin e dënuar për korrupsion dhe mashtrim, lidhja ‘okulte’ për muzeun e hebrejve
n.fPërditësimi i fundit 7 Janar 2025, 16:42
Foto
TIRANË- Për herë të dytë, Edi Rama takoi Rabinin Yoshiyahu Yosef Pinto, kësaj here publikisht dhe me një projekt. Qëllimi zyrtar i takimit sipas kryeministrit shqiptar ishte prezantimi i Shqipërisë si një model për vëllazërinë fetare, ku hebrejtë u morën në mbrojtje gjatë Luftës së Dytë Botërore.
Një tjetër lëvizje e Ramës pas asaj të disa muajve më parë ku shpalli krijimin e shtetit të parë bektashi. Të dy vizituan Vlorën, atje ku shumë shpejt, pritet që të ndërtohet edhe një muze hebraik, detajet për të cilin ende nuk janë bërë publike.
“Me nder dhe përulësi pata privilegjin të mikëpres për herë të dytë Rabinin Yosiyahu Yosef Pinto në Shqipëri — një vend model i vëllazërisë fetare, ku hebrenjtë u morën në mbrojtje si askund tjetër gjatë Luftës së Dytë Botërore. Ishte një privilegj të vizitoja me të Vlorën, qytetin ku hebrenjtë u vendosën shekuj më parë dhe në zonën që dikur ishte lagjja e tyre, së shpejti do të fillojmë ndërtimin e një Muzeu të bukur Hebraik”, shkruan Rama.
Por a e dinte Rama që Pinto është një i dënuar? Nga një kërkim elementar që Dosja.al bëri në burimet e kërkimit të hapur rezulton se Pinto është arrestuar dhe dënuar me 1 vit burg në vitin 2015, pasi ai akuzoi se korruptoi një zyrtar të lartë policie.
Pinto u gjobit edhe me 260 mijë dollarë, pasi u gjet fajtor për ofrimin e parave për një informacion konfidencial në hetimin që po i bëhej organizatës së tij të bamirësisë.
Pinto raportohet se është një nga njerëzit më të pasur në Izrael me një numër të madh ndjekësish, stërnip i një tjetër rabini. Israel Abuchatzera, i njohur gjithashtu si Baba Sali. Gjatë procesit ai pranoi fajësinë në Tel-Aviv duke dëshmuar se ai kishte korruptuar një tjetër shef të lartë policie, ish-kreun e skuadrës kombëtare të krimeve të Izraelit. Zyrtari që ai tentoi të korruptonte, vrau veten fill më pas.
Por organizata e tij, shoqërohet nga shumë pikëpyetje dhe akuza që lidhen me hetime penale, vetëvrasje dhe padi të aleatëve dhe armiqve të dikurshëm.
Cili ishte roli i tij në takimin që pati me kryeministrin shqiptar?
Zyrtarisht dihet vetëm që numri 2 i shtetit shqiptar, takoi një Rabin të dënuar më parë dhe me një sërë lidhjesh okulte, për të nisur punimet për muzeun e hebrejve.
A duhet të ishte kryeministri më i kujdesshëm në takimin e tij me një të dënuar?
Përse Rama thotë se ndihet i “përulur” përballë një individi të dënuar? Këtë mund ta thotë vetëm ai…/DOSJA.al
