Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
POLITIKE
Garo: Nënkryetarja e Gjykatës së Tiranës Migena Laska urdhëron të mos u jepet avokatëve, lista e personave të arrestuar në protestë
PiranjatPërditësimi i fundit 19 Tetor 2026, 20:07
Partia Demokratike ka denoncuar një shkelje të rëndë të të drejtave të protestuesve të arrestuar gjatë protestës studentore.
Përmes një deklarate, zëdhënësja e PD-së, Floriana Garo, bëri të ditur se avokatët e personave të ndaluar kanë raportuar se nënkryetarja e Gjykatës së Tiranës, Migena Laska, ka urdhëruar që të mos u jepet lista e të arrestuarve që do të paraqiten nesër për caktimin e masës së sigurisë.
Zëdhënësja e PD-së e cilësoi këtë veprim si një rast të pashembullt në historinë e drejtësisë, duke argumentuar se mosvënia në dispozicion e listës pengon avokatët të ushtrojnë në mënyrë efektive të drejtën e mbrojtjes për personat që përfaqësojnë.
Deklaratë e zëdhënëses së PD, Floriana Garo:
Avokatët e protestuesve të ndaluar nga Policia gjatë revoltës studentore njoftojnë se nënkryetarja e Gjykatës së Tiranës, Migena Laska, ka urdhëruar të mos publikohet, që do të thotë të mos u jepet avokatëve, lista e personave të arrestuar në protestë që paraqiten nesër për masë sigurie në gjykatë.
Ky është vendimi më i pashembullt në historinë e drejtësisë.
Kjo është një shkelje e rëndë e të drejtës për mbrojtje efektive. Me sa duket, ajo ka marrë urdhër politik që të përjashtojë kështu avokatët e zgjedhur nga të ndaluarit dhe t'u emërojë atyre avokatë patronazhistë!
Partia Demokratike dënon me forcën më të madhe këtë shkelje të rëndë të Konventës Evropiane të të Drejtave të Njeriut, Kushtetutës dhe ligjeve të vendit!
