Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
POLITIKE
Gazment Bardhi: Nuk do të votojmë krijimin e komisionit të posaçëm anti-korrupsion
I.APërditësimi i fundit 29 Maj 2024, 15:05
Gazment Bardhi
TIRANË- Kreu i Grupit Parlamentar të Partisë Demokratike Gazment Bardhi ka konfirmuar se nuk do të votojnë pro për krijimin e një komisioni të posaçëm anti-korrupsion. Pas përfundimit të mbledhjes së grupit parlamentar, Bardhi për gazetarët u shpreh se PS-ja nuk ka bërë asnjë konsultim në lidhje me të dhe se e kanë bërë fakt të kryer ngritjen e tij. Po ashtu Bardhi ka theksuar se ai s'mund të marrë pjesë në komision, kur nuk e di objektin e punës.
"Kjo është qeveria më e korruptuar që ka pasur Shqipëria, që ka rajoni dhe Europa. Këto ishin diskutimet mes PD. Ndërkohë që ishim në mbledhje, pasi ka një teatër nga ana e PS, pasi bëmë publik se ka një projekt vendi madhe nuk e dimë objektin pasi ai është vetëm në kokën e Ramës dhe gjatë kohës që ishin në mbledhje kryetarja e kuvendit kërkonte një mbledhje me kryetari e grupit parlamentar të PD dhe të atyre që përfaqësojnë opozitën. Një kryetar kuvendi serioz nuk mund të fusin në rend dite një komision pa u konsultuar me opozitën, këta kanë dalë zbuluar me talljen që po bëhen me këtë çështje dhe ne me seriozitetin maksimal do ti përkushtohemi shtetit ligjor, mirëqeverisjes dhe korrupsionit. Pa zgjedhje të lira dhe të ndershme nuk mund të luftojmë korrupsionin, dhe nëse e kanë seriozisht ta nisin nga lufta kundër korrupsionit zgjedhor," tha Bardhi.
Ky komision do të përbëhet nga 11 anëtarë 6 prej të cilëve janë deputetë të PS-së, ndërsa 5 janë të Opozitës. Ndërkohë që një nga emrat e lakuar sedo të drejtojë komisionin është ish-Ministri i Brendshëm Fatmir Xhafa. Kreu i Grupit Parlamentar të PD-së, Gazment Bardhi u shpreh se kjo rezolutë është sipas tij e pavlerë, ndërsa ka hedhur akuza se kryeministri Rama nuk është i gatshëm të luftojë korrupsionin.
