Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Gjergj Erebara: Një zëdhënës i qeverisë ka nxjerrë zbuluar paktin Rama-Erdogan, Balluku manipuloi procedurën
PiranjatPërditësimi i fundit 2 Nëntor 2025, 22:54
Gazetari Gjergj Erebara në një status të tij shkruan se një zëdhënës i qeverisë me anë të një deklarate ka nxjerrë zbuluar paktin Rama-Erdogan.
Sipas zëdhënësit Balluku ka manipuluar procedurat që të nxirrte fituese një kompani turke.
Kjo sepse Erdogan i kishte “dhuruar” Shqipërisë spitalin rajonal në Fier.
Pra haptazi ka një pazar i cili mban vulën e Edi Ramës.
Shkrimi i Erebarës
Nuk po i besoj dot syve!!! Një zëdhënës i qeverisë deklaron se ministrja Balluku nuk ka vjedhur para në tenderin e tunelit të Llogarasë, por ajo ka manipuluar procedurat për të nxjerrë fituese një kompani turke, e cila duhej të fitonte tenderin 200 milionë euro për arsye se autokrati i Turqisë Erdogan i pati "dhuruar" Shqipërisë spitalin rajonal të Fierit dhe dy lagje të ndërtuara për të pastrehët e tërmetit. Uroj që zëdhënësi të ketë lajthitur pa dijeninë e punëdhënësit të tij sepse përndryshe, rezulton që korrupsioni nuk është i Ballukut, është i Ramës dhe i Erdoganit.
Për më tepër, lihet të kuptohet fakti tronditës (që në fakt e kemi marrë me mend edhe vetë), se Erdogan nuk ka bërë bamirësi, është shtirur, ndërsa ka marrë paratë mbrapsht përmes tenderit të manipuluar nga Balluku. Dhe Shqipëria, nuk ka marrë një spital dhe dy lagje dhuratë nga populli vëlla turk, por i ka paguar në mënyrë indirekte. Ndonjë cinik mund të thotë se morali i fabulës në këtë histori, (nëse marrim parasysh se kompanitë e përfshira si te rindërtimi ashtu edhe te tuneli janë private, ndërsa paguesit janë taksapaguesit), që, fillimisht është manipuluar tenderi për spitalin, pastaj ai për pallatet e të pastrehëve dhe pastaj ai i tunelit. Paguesit për dy tenderët e parë janë taksapaguesit e popullit vëlla turk, ndërsa për tenderin e dytë, taksapaguesit e popullit vëlla shqiptar. Mendoj se një pranim kaq flagrant i korrupsionit të maskuar si bamirësi gjeopolitike është rrjedhojë e humbjes së kontaktit me realitetin.
