Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
POLITIKE
“Gjermanët nuk janë të pakorruptueshëm”/ Rama: Punonjësit e Ambasadës i jepnin makinës pa rrip sigurimi
PiranjatPërditësimi i fundit 4 Shkurt 2025, 13:23
TIRANË- Kryeministri Edi Rama tha se për të luftuar korrupsionin në vend duhet që të modernizohet sistemi. Rama gjatë fjalës së tij mori shembull gjermanët duke u shprehur se ata nuk e kanë në ADN që janë të ndershëm, por kanë një sistem shtetëror që e bën të vështirë. Rama gjithashtu theksoi se në vendin tonë kishte punonjës të ambasadës gjermane që i jepnin makinës pa rrip sigurimi. Më tej Kryeministri u shpreh se të marrësh punonjës të administratës shqiptare nga një strukturë që ka problematika me korrupsionin dhe ku ata të jenë të afektuar dhe t’i çosh në Gjermani nuk korruptohen.
"Gjermanët nuk janë nga natyra të pa-korruptueshëm, nuk e kanë në ADN që janë të ndershëm, por kanë një sistem shtetëror që e bën shumë të vështirë. E kam thënë me kohë shembullin shqiptar në Gjermani që, deri përpara disa vjetësh të paktën, ishte kjo që “Të hipi në makinë dhe të ndezim makinën pa vendosur rripin e sigurimit nuk ka”. Në Shqipëri kishte punonjës të ambasadës gjermane që i jepnin makinës pa rrip sigurimi. Pra, nuk është personi, është sistemi dhe është gjithë mjedisi që e bën kështu ose ashtu.
Po të marrësh punonjës të administratës shqiptare nga një strukturë që ka problematika me korrupsionin dhe ku ata të jenë të afektuar dhe t’i çosh në Gjermani nuk korruptohen. Më sillni mua disa gjermanë t’i çoj diku në një zyrë ku akoma ne e dimë që kemi problematika të tilla dhe do t’i shohim pas 40 ditësh, kur të kalojnë ato 40 ditët e tundimeve të Krishtit. Kështu që, është shumë gjë e madhe për ne që SIGMA të vlerësojë Shqipërinë në krye për prokurimet publike. Unë e besoj shumë fort që ne kemi bërë një transformim të madh dhe këtë e tregojnë të gjitha llojet e të dhënave pavarësisht se, në këtë rast, perceptimi është krejt tjetër," tha Rama.
