Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Himara nuk është për t’u marrë dhe për t’u çuar andej apo këtej", Rama: Vangjel Dule i jep gojës për të folur marrëzira dhe absurditete!
n.fPërditësimi i fundit 28 Qershor 2024, 14:14
Edi Rama
DHËRMI- Kryeministri, Edi Rama ditën e sotme ka zhvilluar një vizitë në Dhërmi. Gjatë fjalës së tij Rama ka sulmuar kreun e PBDNJ-së, Vangjel Dulen. Kryeministri gjatë fjalës së tij ka kritikuar Dulen duke thënë se ai nuk ka punë që të merret me çështjet e Himarës.
Rama duke folur para banorëve u shpreh se Dule i jep gojës për të folur marrëzira dhe absurditete. Sipas kryeministrit kjo ka lidhje me synimet e disa njerëzve shumë të vegjël që kanë interesa përçarjeje dhe s’i përkasin këtij shekulli, por nga shekujt të tjerë dhe territore të zymta. Rama shtoi se Himara nuk është për t’u marrë dhe për t’u çuar andej apo këtej, por për të ndenjur këtu.
“Himara ka histori shumë të pasur dhe të pandashme. Nuk mund ta ndash sipas qejfit të një cope. Është një histori. Dhe ajo që e simbolizon këtë që po them është fytyra e Vangjel Dules. Çupë ka Vangjel Dule në Himarë, përveç se si qytetar i Shqipërisë dhe i jep gojës për të folur marrëzira dhe absurditete. Kjo ka lidhje me synimet e disa njerëzve shumë të vegjël që kanë interesa përçarjeje dhe s’i përkasin këtij shekulli, por nga shekujt të tjerë dhe territore të zymta.
Ndaj është mirë që të gjithë ta fusin në kokë, përpara se të kenë çdo gjë tjetër, himariotët kanë Himarën., Himara nuk është për t’u marrë dhe për t’u çuar andej apo këtej, por për të ndenjur këtu. Vendi ku lulëzon jeta e familjeve himariote. Jo po i marrim pronat, jo po i zhveshim nga këto?! Ça po mohohet? Asgjë! Po punojmë që çdo ditë ky vend të bëhet më i pasur. Doni Vangjel për punë? Ja ku e keni! (Vangjel Tavon) E doni për sherr? Prisni atë me vetulla të rënda.”, tha Rama.
