Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
POLITIKE
Investigimi i Rai3/ Brenda debat, jashtë protestë, opozita lajmëron tubim të enjten para Kuvendit
r.llPërditësimi i fundit 3 Qershor 2024, 13:38
foto ilustruese
TIRANË- Pas publikimit të investigimit të televizionit italian Rai3 për Shqipërinë, opozita ka lajmëruar zhvillimin e një proteste të enjten para Kuvendit. Sipas raportimeve, deputetët do të zhvillojnë debat brenda seancës për këtë çështje, ndërsa jashtë do të mbahet një protestë e qytetarëve. Mësohet se protesta do të mbahet në orën 10:00.
Investigimi i Report në Rai3: Fshat shqiptar
Mbrëmjen e djeshme është transmetuar puntata e radhës e reportazhit për Shqipërinë nga emisioni investigativ “Report” në RAI 3, me titull "Fshat shqiptar". Në emisionin e djeshëm, gazetari i Rai3 Giorgio Mottola ka zhvilluar dy intervista, me kryeministrin Edi Rama dhe ish-zëvendësministrin Arben Ahmetaj. Ish-numri 2 i qeverisë, Arben Ahmetaj është shprehur se ka qenë i vetmi që ka ngritur në mbledhjen e qeverisë problemin e kanabizimit të vendit, por sipas tij, Edi Rama iu përgjigj se kjo po ndihmonte ekonominë e vendit.
Akuza të forta ka ngritur edhe për kryeministrin dhe lidhjet që Ahmetaj pretendon se Rama ka me krimin e organizuar, ndërsa ka thënë se koordinatori i tij është Ergys Ajazi. Rai 3 thotë se Ergys Agasi është një biznesmen nga Durrësi, djali i një ish-deputeti socialist, përveç të tjerash pronar i një kompanie që prodhon cigare dhe që merret me logjistikë. Nuk ka qenë kurrë i dënuar apo i hetuar për lidhje me mafian shqiptare, por shpesh mediat kanë folur për lidhje të tij me anëtarë të grupeve kriminale si për shembull narkotrafikantin Xhevdet Troplini.
Report ka publikuar edhe bizneset që ministri italian Adolfo Urso ka në Shqipëri, që sipas tyre janë mundësuar nga Rama. Adolfo Urso deri 10 ditë para se të betohej si ministër, ishte pronari Italian World Services, së bashku me djalin e tij Pietro, një kompani aktive në sektorin e konsulencës institucionale dhe lotimin për bizneset, duke arritur rezultate të shkëlqyera. Shoqërimi i bizneseve italiane mbi të gjitha jashtë vendit është misioni kryesor i Italian World Services e familjes Urso. Ky biznes operon në vende të ndryshme dhe nga 2015 edhe në Ballkan dhe në Shqipëri, përmendet në reportazh. Gjithashtu, në emision është trajtuar edhe lidhja e ish-kryeminisrit italian Massimo D'Alema me qeverinë e Edi Ramës dhe Shqipërinë. Report ka zbuluar se përveç DL&M Advisor në Itali, i hapur në vitin 2019, D'Alema ka shtrirë interesat e tij në botën e konsulencës edhe në Shqipëri: në fakt, ai ka krijuar një kompani të quajtur A&I në Tiranë, e cila ofron konsulencë për kompanitë që duan të ndërkombëtarizohen. Ndërkohë, sipas Ahmetajt, Massimo D’Alema bën lobim në favor të shoqërive që merren me kriptovaluta, një informacion ky që duke mos patur akses në dokumentet e bilancit dhe klientëve të biznesit të tij në Shqipëri, mbetet i vështirë për tu verifikuar. Report ka ndërthurur me investigimin edhe intervistën me vetë kryeministrin Edi Rama, i cili është pyetur nga gazetari Mottola për temat më "delikate", nga akuzat e Ahmetajt për lidhjet e tij me krimin deri te "kullat e ngritura në Tiranë me para të pista".
