Policia e Shtetit bën të ditur se në pranga ka rënë Sabri Sopoti, 60 vjeç, i cili ishte dënuar nga Gjykata e Dibrës ...
POLITIKE
“Ka një skenar për largimin e kryeministrit"/ Gazetari zbulon “prapaskenat”: Ja figurat e vjetra të PS që do bashkohen për të rrëzuar Ramën
PiranjatPërditësimi i fundit 11 Mars 2026, 16:27
Gazetari Almer Toska ka folur për zhvillimet politike në vend dhe për atë që e cilësoi si një skenar të mundshëm brenda Partisë Socialiste që, sipas tij, mund të çojë në largimin e kryeministrit Edi Rama nga drejtimi i qeverisë. Gjatë intervistës, Toska u shpreh kritik ndaj disa eksponentëve të Partisë Socialiste, duke deklaruar se nuk pret që ata të dalin kundër Ramës në këtë moment.
“Nuk pres që llumi i Shqipërisë në PS që është sot të votojë kundër Ramës. Këta janë llum, nuk përfaqësojnë shoqërinë shqiptare,” u shpreh gazetari.
Megjithatë, sipas tij, brenda Partisë Socialiste mund të ketë një lëvizje kundër kryeministrit, e cila do të përfshinte figura të njohura të kësaj force politike dhe që, sipas pretendimeve të tij, do të kishte edhe mbështetje ndërkombëtare.
“Brenda PS do ketë një lëvizje anti-Rama dhe do ketë eksponentë të vjetër dhe kjo mbështetet nga amerikanët,” deklaroi Toska.
Ai përmendi edhe disa emra të njohur të Partisë Socialiste, sipas tij, mund të përfshihen në këtë lëvizje, si Gramoz Ruçi, Erion Veliaj, Fatmir Xhafaj apo edhe Arben Ahmetaj.
“Sot ka një lëvizje brenda PS që mund t’i bashkohet Gramoz Ruçi, Erion Veliaj, Fatmir Xhafaj, Arben Ahmetaj,” tha ai.
Sipas gazetarit, një skenar i mundshëm mund të çojë edhe në zgjedhje të parakohshme, nëse situata politike përshkallëzohet.
“Do kemi zgjedhje të parakohshme nëse Rama e mban me forcë Ballukun. PS fiton prapë, por nuk do jetë Rama kandidat për kryeministër. Do jetë një emër nga ky grup që përmenda,” u shpreh Toska.
