Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Kandidimi/ Berisha: Të mbështesim aktorin Florjan Binaj, njeri me vlera të larta
PiranjatPërditësimi i fundit 6 Tetor 2025, 12:46
Kreu i PD-së, Sali Berisha deklaroi pak minuta më parë se për të aktori i njohur Florjan Binaj është kandidati i duhur, që mund të përfaqësojë qytetarët shqiptarë dhe opozitën në zgjedhjet për Bashkinë e Tiranës.
“Të mbështesim aktorin Florjan Binaj. Ai është një njeri me vlera dhe që i mbron kauzat e qytetarëve. Ne do t’u paraqesim aleatëve kandidaturën e Florjan Binajt. Florjan Binaj është nga ata artistë që konsideron kauzat qytetare si kauzat e tij. Dhe të gjithë ju jeni dëshmitarë të betejave që ai ka bërë së bashku me të tjerë në mbrojtje të këtyre kauzave. Shpresoj që aleatët, opozitarët, të bashkohemi në këtë mbështetje ndaj një personaliteti me reputacion të gjerë, tek i cili gjejnë veten më shumë se kushdo tjetër të përfaqësuar, qytetarët e Tiranës. Ai ishte për vite e vite me radhë, yll apo superyll i shfaqjes më të shikuar të vendit dhe në çdo rol, interpretimi i tij ishte më i pëlqyeri, ishte i përsosur. Florjan Binaj është nga ata artistë që konsideron kauzat qytetare si kauzat e tij. Dhe të gjithë ju jeni dëshmitarë të betejave që ai ka bërë së bashku me të tjerë në mbrojtje të këtyre kauzave. Ai, së bashku me bashkëpunëtorë, me ekip, kanë ndërtuar dhe paraqesin një nga emisionet investigative më të shikuara, Piranjat, të cilat Edi Rama, i tmerruar, i përzuri nga televizioni ABC dhe u zhvendosën tek televizioni SYRI. Pra, mund të themi se në këtë kontekst, Florjan Binaj, së bashku me ekipin drejtues të Piranjave dhe stafin, janë në linjën e parë të luftës kundër korrupsionit. Kundër kësaj dukurie shkatërrimtare për Shqipërinë dhe shqiptarët. Ndaj dhe njëherë ftoj aleatët dhe të gjithë opozitarët, ftoj qytetarët të mbështesin këtë kandidaturë si një kandidaturë që i bën nder çdo qytetari dhe kryeqytetit të vendit.”-tha Berisha në komunikimin me gazetarët.
Aktori dhe moderatori i mirënjohur, Florjan Binaj njoftoi të shtunën se është i gatshëm që të marrë pjesë në zgjedhjet për kryetarin e Bashkisë së Tiranës, që do të mbahen më 9 nëntor dhe që ai moment ka marrë një përkrahje të madhe nga qytetarët, tani edhe nga opozita.
Më herët edhe kryetari i partisë Shqipëria Bëhet, Adriatik Lapaj deklaroi publikisht mbështetjen e tij për Florjan Binajn, në garën për kryetarin e Bashkisë së Tiranës.
