Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
POLITIKE
"Kemi caktuar edhe çështjet që do ndiqen me projektligjet që qëndrojnë të fjetura!" Bardhi pas mbledhjes së grupit të PD-së: Fokusi ynë, zgjedhjet e lira dhe të ndershme
M.B.Përditësimi i fundit 2 Shtator 2024, 14:11
Gazment Bardhi
TIRANA- Ka përfunduar mbledhja e Partisë Demokratike ku menjëherë pas përfundimit, kreu i grupit parlamentar të kësaj partie tha për mediat se në vazhdim ata do të jetë i përqendruar në garantimin e zgjedhjeve të lira dhe të ndershme. Bardhi tha se vitet e funidt nuk është lejuar kurrë një proces i denjë zgjedhor dhe se nuk ka pasur një reformë kuptimplotë zgjedhore.
Bardhi tha se për të arritur një zgjidhje të qëndrueshme për problemet zgjedhore, është e domosdoshme të garantohen zgjedhje të lira dhe të ndershme. Ai shtoi se kanë caktuar edhe çështjet që do ndiqen me projektligjet që qëndrojnë të fjetura në Kuvend.
“Sesioni i ardhshëm parlamentar do të udhëhiqet nga një parim i thjeshtë, nuk mund të ketë zgjidhje pa zgjedhje të lira dhe të ndershme. Fokusi kryesor i agjendës tonë parlamentare dhe aksionit tonë do jetë i fokusuar tek beteja për të garantuar zgjedhje të lira dhe të ndershme. Motoja jonë e aksionit politik dhe parlamentar është që nuk ka zgjidhje pa zgjedhje të lira dhe të ndershme.
Kemi përcaktuar edhe tre çështjet e interesit kombëtar ku do të fokusohet puna jonë, që ka të bëjë me propozimin tonë për vendosjen e minimumit jetik për të ndihmuar shtresat në nevojë, e dyta projektligji për rritjen e pensioneve, me qëllim rritjen e pensioneve për shtresat në nevojë. Kemi caktuar edhe çështjet që do ndiqen me projektligjet që qëndrojnë të fjetura në Kuvend. Mazhorana ka shkelmuar cdo mundësi të opozitës në një shoqëri demokratike dhe detyra jonë është ti qëndrojmë përballë”, tha Bardhi.
