Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
POLITIKE
"Kemi projektuar dhe ndërtuar rrugë me standarde evropiane", Rama: Në mandatin e parë shlyem borxhet
r.llPërditësimi i fundit 15 Prill 2025, 18:37
rama
TIRANË- Kryeministri Edi Rama ka marrë fjalën në aktivitetin "Infrastruktura, arritjet dhe Sfidat për Shqipërinë 2030" ku tha se rrugët e projektuara dhe ndërtuara deri më tani janë të standardeve europiane.
Rama tha se 12 vjet mund të duken shumë për ato që njerëzit presin që të bëhen, por sipas tij edhe në Europë norma mesatare apo minimale e ndërtimit të infrastrukturës është 7 deri në 9 vjet. Ai u shpreh se në mandatin e parë të qeverisë, nuk kishin mundësi të ndërtonin rrugë të reja për shkak të borxheve.
Rama tha se totalja e borxhit ndaj kompanive kur ata morën detyrën, ka qenë 700 milionë. Ai foli për rrugën Tiranë- Elbasan, ku e cilësoi si rrugë pa projekt, ndërsa shtoi se kostoja e saj deri në përfundim erdhi duke u shtuar. Për Rrugën e Arbrit, kreu i qeverisë tha se sot nuk do të ishte mbaruar nëse do të bëhej me tendera dhe me fond të parashikuar.
Rama:Dua t’i kthehem prezantimit për ta parë nga një kënd tjetër. Dua të them që e gjithë kjo infrastrukturë, që ne kemi projektuar dhe ndërtuar, dhe do të vazhdojmë të ndërtojmë, është e standardeve evropiane, që nuk ekzistonte. Në pamje të parë, 12 vjet duken shumë për gjërat që njerëzit presin dhe që duhen bërë. Norma mesatare ose minimale e ndërtimit të infrastrukturës në Evropë, në ndërtimin e infrastrukturës, është 7-9 vjet. Dihet botërisht që nga marrja e vendimit te përgatitja e të gjithë fazave, tek përfundimi i projektit, nëse gjithçka shkon më së miri, është 4 vjet. Pastaj realizimi konkret në praktikë, në total është 9 vjet.
Ne kemi pasur rrugët, por asnjë rrugë, as të projektuar me standardet e BE, dhe as të financuar, por të gjitha rrugët, kanë qenë inagurime dhe tendera, të pafinancuar. Kjo ka qenë arsyeja, që në mandatin e parë, nuk kishim mundësi, por të paguanim borxhet.
Totalja e borxhit ndaj kompanive kur ne morëm detyrën, ka qenë 700 milionë. Ka qenë një gropë ku populli dhe fati e ka shpëtuar këtë vend, në një humnerë si ajo e piramidave, por me një tjetër arsye. Ne investuam sa mundëm, në projektime, si fillim. Sot është rruga Tiranë-Elbasan, ka kushtuar 3 fishin e tenderit. Ishte rrugë absurde, pa projekt, pa studim gjeologjik. U shtua kostoja e asaj maskarade. Në rrugën e Arbrit, ne morëm vendimin të shkojmë me PPP. Sikur ne ta kishim bërë me tender dhe fond të parashikuar, sot ne nuk do dilnim nga rruga e Arbrit, për shkak të tunelit të Murrizit
