Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
POLITIKE
"Këneta nxorri në protesta banorët e 5 majit", Rama: Në atë lagje banesat ishin kandahar dhe s'kishin lidhje me Europën
r.llPërditësimi i fundit 27 Shkurt 2025, 12:10
edir ama
TIRANË- Kryeministri Edi Rama po zhvillon sot një takim me asambletë socialiste të njësive numër 3 dhe 4 në kryeqytet. Gjatë fjalës së tij kryeministri, tha se kjo qeveri ka shumë gjëra për mos i ardhur mirë, por gjithashtu ka bërë edhe mjaft punë.
Ai mori si shembull lagjen e 5 majit, ku tha se sot banorët shtëpive e të cilëve u prishën nga tërmeti jetojnë në apartamente me vlerë mbi 1500 euro metri katro. Rama akuzoi opozitën se nxorri në protesta banorët e "5 majit" për disa banesa që sipas tij ishin kandahar dhe nuk kishin lidhje me Europën dhe banesat që këto banorë kanë marrë.
"Mund të thoni shumë gjëra për të cilat ne mund të mos na vijë mirë, ne që jemi këtu në tavolinë. Jam i sigurtë. Jam i bindur që dëgjoni nga të tjerët dhe të tjera gjëra që ju vet .. duke qenë udhëheqës të PS në atë pjesën tuaj të llogores. Dhe ka gjëra për të mos na ardhur mirë. Por ama, kur shikoj atë lagjen atje tek 5 Maji, thosha sa njerëz ishin të pikëlluar deri në palcë. Apo natën kur i la tërmeti pa shtëpi dhe sa prej tyre e imagjinonin që do kishin një ditë ato shtëpi atje? Ishin me mijëra njerëz dhe askush nuk besonte që do të kishte më shtëpi dhe të gjithë parafytyronin gjërat më të tmerrshme.
Për më tepër, ju i njihni, pjesa më e madhe e tyre janë shtresa më vunerabël dhe sot ata kanë apartamente që në Tiranë kushtojnë 1500, 1700, 1900-euro metri katror dhe i kanë falas. Dhe është vetëm një pjesë e punës. Sepse kanë hyrë të gjitha familjet e prekura nga tërmeti, por është faza tjetër për familjet që kanë shpronësuar. U bë gjithë ajo luftë atje. Një luftë, ku këneta investoi të gjithë zhabat dhe të gjithë bretkosat e veta, ku bretkosat, zhapikët e zhabat u hodhën nëpër dritaret e miletit të shkretë atje, iu futën nëpër dhoma, iu futën në kuzhinë, iu futën në krevat dhe kua, kua, kua, kua e çmendën një pjesë të miletit atje. I nxorën në rrugë nëpër protesta për disa banesa që ishin Kandahar, që s’kishin lidhje fare as me Tiranën, as me Europën dhe s’kishin lidhje fare as me apartamentet që ata do të marrin, fare.
Por këneta këtë punë ka bërë dhe kush është këtu, dhe këtu ka jo pak që janë me mua në këtë betejë qysh në ditën 1 dhe e dinë shumë mirë se këneta këtë punë ka pasur. E vetmja gjë që ka ndryshuar është që zhabat janë plakur, bretkosat janë sfilitur, zhapikët janë çmendur, por ama aty janë, me bufin në krye, që është si ajo që thotë, "Jep shpirt, po s’heq dorë". Dhe për gjithë ata që pak kujtesë vënë në lëvizje, po ta bënim këtë mbledhje në 2013, do e bënim me gjenerator. Edhe po të ecnim në Tiranë, s’flas te 5 Maji, se aty duhet të ikësh para se të perëndonte dielli, se mund të humbje në gropë, edhe duke qenë 2 metra si puna ime. S’flas për njësinë 4, ku kur errësohej, duhet të gjeje shtëpinë me të pyetur. 78 neonë punonin në Tiranë kur unë kam hyrë në Bashkinë e Tiranës, shtatë-tetë, 78 – 10x7+8, që të jemi të qartë, jo 780 neonë. 78 punonin pa u dridhur, ishin edhe ca që dridheshin, s’merrej vesh a ishin ndezur, a ishin fikur e kishin me dy mendje dhe pjesa tjetër ishte errësirë komplet."
