Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Kërkoi pamjet filmike të numërimit të votave, Gjylameti pas humbjes së vendit në parlament: Fitova një rezultat që më mbush me krenari
r.llPërditësimi i fundit 20 Maj 2025, 14:06
blerina gjylameti
TIRANË- Kandidatja për deputete e PS-së, Blerina Gjylameti në Tiranë ka reaguar pas përfundimit të procesit të numërimit të votave. Gjylameti nuk arriti të siguronte votat e nevojshme për një vend në parlamentin e ri.
Përmes një postimi në rrjetet sociale, ajo tha se në këtë garë nuk ka humbës, por vetëm fitues dhe sipas saj ë gjithë fitorja është vazhdimësia në rrugën drejt së ardhmes europiane. Më tej shprehet se për të 11 maji ishte "një përvojë e vlefshme, një garë sfiduese dhe një rezultat që më mbush me krenari."
Ndërkohë një ditë më parë, Gjylameti bashkë me Xhemal Qefalinë, dhe Frrok Gjinin iu drejtuan me një kërkesë KQZ-së pasi dyshojnë për manipulime të votave brenda listave të partive. Blerina Gjylameti u rendit e 23 në listën e PS në Tiranë, ku ka marrë 6053 vota nga votat preferenciale për deputetë.
POSTIMI I PLOTË:
Të dashur miq, familjarë dhe mbështetës të mi në garën e 11 majit,
Kam një përqafim të madh për secilin prej jush — dhe s’jeni pak, 6148 zemra! Të gjithë ju që më besuat gjënë më të çmuar që një qytetar ka: votën.
Kudo që ishit — në Njësinë 4, në të gjithë qarkun e Tiranës, dhe mbi të gjitha ju që votuat nga diaspora — dua t’ju them faleminderit.
Çdo votë, çdo shprehje besimi, është një gur i çmuar në themelin e një Shqipërie më të mirë.
Në këtë garë nuk ka humbës — ka vetëm të fituar. Dhe unë e besoj këtë me gjithë zemër.
Të gjithë kemi fituar vazhdimësinë në rrugën drejt së ardhmes europiane.
Unë personalisht kam fituar zemrat tuaja, respektin tuaj, mbështetjen tuaj, dhe për këtë ju jam thellësisht mirënjohëse.
11 maji për mua ishte një fitore e një lloji tjetër: një përvojë e vlefshme, një garë sfiduese dhe një rezultat që më mbush me krenari.
Faleminderit secilit prej jush.
Faleminderit ekipit tim të palodhur, familjes sime të duruar, dhe në veçanti Kryeministrit Edi Rama, për besimin dhe përkrahjen.
Sidomos në këto ditë të lodhshme e sfiduese, të mbushura me emocione, ne – më mirë se kushdo tjetër – e kuptojmë sa e vështirë është të mbash bashkë një familje të madhe si Partia Socialiste.
Beteja jonë vazhdon. Për angazhimet që kjo forcë politike ka marrë.
Ne nuk bëjmë luftëra të vogla — ne bëjmë beteja të mëdha për jetët e njerëzve, aspak për jetët tona.
Mirënjohëse.
Këto zgjedhje, kjo garë, më kanë dhënë vetëdijen e plotë pse jam në politikë, pse në PS, dhe bindjen e thellë se Partia Socialiste është forca që i duhet vendit në këtë moment historik.
