Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
Kërkojnë revokim të masës së sigurisë, Gjykata e Lartë shqyrton sot rekurset e Berishës dhe Malltezit
r.llPërditësimi i fundit 16 Korrik 2024, 09:52
malltezi dhe berisha
TIRANË- Ditën e sotme në Gjykatën e Lartë në Dhomë Këshillimi, gjyqtarët Ilir Panda, Sandër Simoni e Sokol Binaj vendosin mbi dy rekurse të liderit të opozitës Sali Berisha dhe dhëndrit të tij Jamarbër Malltezi. Dyshja Berisha dhe Malltezi kërkojnë revokimin e masës së sigurisë “arrest në shtëpi” si dhe për zëvendësimin e kësaj mase.
Ende nuk është caktuar një orar se kur do ta marrin vendimin trupa prej tre anëtarësh për të cilët më herët ishte kërkuar përjashtimi nga gjykimi i çështjes nga avokatët e Berishës. Avokatët e liderit të opozitës pretendojnë se në kërkesën e gjykatës nuk ekzistojnë kushtet dhe kriteret që Berisha të hetohet me masë sigurie.
Berisha akuzohet për korrupsion, së bashku me dhëndrin e tij, Jamarbër Malltezi të cilët i kanë kundërshtuar akuzat. Më herët, Sali Berisha ka refuzuar masat e dhëna nga SPAK, atë të detyrimit të paraqitjes dhe të ndalimit të daljes jashtë shtetit, duke i konsideruar masat si antikushtetuese. Pas moszbatimit të këtyre masave, Struktura e Posaçme ashpërsoi masën e sigurisë për Berishën, duke e lënë në arrest shtëpie. Gjykata e Posaçme urdhëroi Berishën të mos largohet nga banesa e tij dhe të mos komunikojë me persona të tjerë përveç atyre që bashkëjetojnë me të në të njëjtën banesë, ndërsa për zbatimin e kësaj mase ngarkoi SPAK-un dhe shërbimet e policisë gjyqësore.
