"Këtë herë mrekullia do vijë nga diaspora!" Berisha: I garantoj emigrantët se Shqipëria do bëhet vendi i ëndrrave të tyre

TIRANA- Kreu i Partisë Demokratike Sali Berisha shprehu sërish sot bindjen se ndryshimi do të vijë në zgjedhje nga vota e diasporës. Berisha i garantoi emigrantët se në rast se PD vjen në pushtet, Shqipëria do bëhet vendi i ëndrrave të tyre. Ai shpreu mirënjohje për emigrantët duke thënë se "mrekullia" do të vijë nga ata.

Pjesë nga fjala e Berishës:

E patë ju vetë se çfarë përçmimi tregojnë për Edi Ramën kudo që shkon. Se çfarë përçmimi tregojnë për Taon e për të tjerët. E patë, janë me qindra, me mijëra ata që i kanë regjistruar patronazhistët, që do votojnë PD-në. Ua them unë, të betuar. Pra, në çdo lloj varianti që ta shqyrtosh këtë vit, i cili do jetë një vit i mrekullisë, siç ishte viti 1992, mrekulli në të cilën shqiptarët përmbysin diktaturën, por këtë herë mrekullia vjen nga diaspora.

Mirënjohjen më të pakufishme të gjithë shqiptarëve jashtë vendit. Garancinë e plotë dhe zotimin solemn se Shqipëria do bëhet përsëri vendi i ëndrrave të tyre. Se Shqipëria Madhështore do jetë Shqipëria me të cilën ata do ndjehen krenar, do konsiderojnë rikthimin në Shqipëri apo do ndjehen krenar kudo që të jenë.

pd