Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Kodi i ri Penal/ Prokurori i Përgjithshëm del kundër: S’ka asnjë argument, cila është nevoja që doni ta ndryshoni?
PiranjatPërditësimi i fundit 14 Tetor 2025, 13:18
Prokurori i Përgjithshëm, Olsian Çela deklaroi nga mbledhja e Komisionit të Ligjeve dhe Komisionit për Mbikëqyrjen Institucionale se nuk sheh asnjë arsye pse duhet të ndryshohet Kodi Penal.
Çela deklaroi se sipas tij Kodi Penal nuk ka asnjë problem, që duhet të ndryshohet, teksa shtoi se nuk ku qëndron çështja.
‘’Për çështjen e kodit penal kam mbajtur një qëndrim. Momenti që u hodh për diskutim, i cili është parimor, nuk dua të hyj në detaje, por dua ta nis si një jurist. Kodi Penal më ngarkon të përfshihem qoftë edhe në një debat. Nëse ju arrini të pyesni punonjës të drejtësisë se kush është problemi me Kodin Penal që kemi.
Unë ende sot nuk kam një informacion analitik mbi problemet që ka Kodi penal aktual, është një kod që nga 1995 ka gjetur zbatim, qoftë me disa ndryshime e përmirësime të bëra, ka gjetur zbatim nga gjykatat dhe prokuroritë.
Unë shoh fillimin e problemeve sa i përket konceptimit të një procesi të ndërtimit të një legjislacioni kaq të rëndësishëm, këto janë bazat e shoqërisë, jo vetëm për shtetasit shqiptarë por edhe ata që jetojnë këtu. Është një ligj mjaft i rëndësishëm. Kjo pikënisje përcakton metodologjinë për rrëfimin e kodit. Deri në 2024, nuk kemi raportuar për probleme serioze të zbatimit të Kodit Penal’’-tha ndër të tjera Çela.
