Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
POLITIKE
Kolegji Zgjedhor rrëzon Celibashin, për kandidimin e Gjergji Nikës në Vlorë
PiranjatPërditësimi i fundit 30 Tetor 2025, 13:11
Kolegji Zgjedhor ka rrëzuar vendimet e mëparshme të KQZ-së dhe KAS-it, duke i hapur rrugën Gjergji Nikës të garojë si kandidat i pavarur për Bashkinë e Vlorës në zgjedhjet e 9 nëntorit 2025.
Me një vendim 5–0, Kolegji ka shpallur të pavlefshëm refuzimin e Komisionit Qendror të Zgjedhjeve për regjistrimin e kandidaturës së tij. Pas vendimit, Nika e përshëndeti këtë si një fitore të drejtësisë ndaj ndikimeve dhe presioneve politike.
Reagimi i Gjergji Nikës:
Fitore e drejtësisë mbi presionet politike!
Sot, Kolegji Zgjedhor me vendim unanim 5–0 rrëzoi vendimet e KQZ-së dhe KAS-it, duke vulosur të drejtën time për të garuar si kandidat i pavarur në zgjedhjet e 9 Nëntorit 2025 për Bashkinë Vlorë.
Ky vendim vjen pas presioneve të shumta dhe përpjekjeve të hapura nga partitë e mëdha për të penguar një zë të pavarur në garë. Por drejtësia foli qartë: askush nuk mund të ndalojë vullnetin e lirë të qytetarëve.
Kjo nuk është thjesht një fitore personale — është një fitore për çdo qytetar që nuk pranon të komandohet nga partite, por kërkon ndryshim, ndershmëri dhe zë të lirë për Vlorën.
Unë hyj në këtë garë me forcën e besimit tuaj dhe me vendosmërinë për ta kthyer politikën te njerëzit, jo te partitë.
