Kongresi i PS/ Teliti reagon për ndryshimet në qeveri: 3 orë vetëlavdërime për arritjet e mëdha! Shkarkoi tre ministrat më të rëndësishëm të “sukseseve”

Rama dhe Teliti

TIRANË- Këshilltari për çështjet ekonomike në Partinë Demokratike, Dorian Teliti ka reaguar ditën e sotme në lidhje me ndryshimet e papritura të qeverisë. Në reagimin e tij Teliti shkuan se gjatë Kongresit të PS-së të gjithë nuk ishin të interesuar për fjalimet e gjata mbi “arritjet shekullore”.

Ai shtoi se në minutin final u mor vesh fati politik ndërsa theksoi se disa u mërzitën e disa u gëzuan. Sipas tij shumë të tjerë morën frymë lirshëm se ja hodhën edhe kësaj here. Teliti tha se në 3 orë vetëlavdërime u shkarkuan ministrat më të rëndësishëm të qeverisë së “sukseseve”.

Sic është PS sot, nuk duhet të jetë Shqipëria nesër! Askush në atë sallë, përvec Kryeministrit, nuk dinte gjë. Të gjithë nuk ishin të interesuar për fjalimet e gjata mbi “arritjet shekullore”, por për atë “minutin” final ku cdokush merrte vesh për fatin politik që e priste. Disa u gëzuan, disa u mërzitën, e shumë të tjerë morën frymë lirshëm se ja hodhën edhe kësaj here.

E nisi me 3 orë “vetë”lavdërime” për arritjet e mëdha të qeverisë, e pastaj cfarë bëri? Shkarkoi tre ministrat më të rëndësishëm të qeverisë së “sukseseve”. Ndryshimi, sot më shumë se kurrë, është domosdoshmëri kombëtare!

rama teliti