"Ku jemi këtu që dikush të thotë çfarë të dojë?!" Rama: Minimalisht Kryetarja e Komisonit të Ligjeve duhej thirrur dhe pyetur 

TIRANA- Kryeministri Edi Rama foli në mbledhjen e sotme të Grupit Parlamentar të Partisë Socialiste për rastin e marrjes nën hetim të deputestes njëherësh dhe Kryetares së Komisonit të Ligjeve, Klotilda Bushka. Rama tha se Bushka duhej thirrur dhe pyetur. Ai shtoi se ka shumë gjëra që nuk shkojnë që janë një arsye për një reflektim të përgjithshëm e të përbashkët e të të gjithëve.

"Minimalisht Kryetarja e Komisonit të Ligjeve duhej thirrur dhe pyetur, ku jemi këtu, në cilën republikë jemi këtu që dikush të thotë çfarë të dojë për dikë dhe mjafton që ky i përfoluri të nxiret me emër dhe mbiemër në ato udhëkryqet e natës si person i dyshuar pa ua pyetur minimalisht, nuk është vetëm kjo, ka shumë gjëra që nuk shkojnë që janë një arsye për një reflektim të përgjithshëm e të përbashkët e të gjithëve që gjithçka është ndërtuar me mund falë përkushtimit vullnetit punës së prokurorëve dhe gjykatësve. Nuk mund të shembet por duhet të mbrohet dhe forcohet duke vënë në pah të gjitha vrimat dhe të gjitha murit të drejtësisë", tha Rama.

ps