Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
"Ky parlament ka nisur në mënyrë të frikshme"/ Berisha: Po shtypet pluralizmi politik
PiranjatPërditësimi i fundit 23 Tetor 2025, 10:44
Lideri i Partisë Demokratike, Sali Berisha, shprehu sot shqetësimin e tij për gjendjen aktuale të pluralizmit politik në Shqipëri, duke thënë se, megjithëse vendi ka pluralizëm formal, ai po shtypet në praktikë.
Berisha:
Kudo parlamentet janë të ndarë në vendet me pluralizëm. Në vendet moniste nuk ka pluralizëm parlamentar. Në Shqipëri ka pluralizëm, por shtypet pluralizmi politik. Mënyra se si procedohet është absolutisht e paimagjinueshme për parlamentin. Është e vërtetë se opozita mund ta teprojë në qëndrimet e saj. Por kjo nuk do të thotë kurrë të shkatërrohet parlamenti dhe parlamentarizmi. Dhe në fund të fundit, opozita nuk ka detyrë tjetër përveçse të qëndrojë opozitë. Është një fillim i frikshëm i parlamentit këtë vit. Është nxjerrë jashtë çdo lloj konteksti. Kurrë nuk mund të ndodhte që programi 4-vjeçar i qeverisë dhe ministrat të votohen për 28 minuta. Asnjë pushtues, edhe pushtuesit që krijojnë një qeveri, nuk i imponojnë një gjë të tillë një parlamenti. Ndaj dhe kjo tregon se ne kemi përsëri një rrugë të vështirë dhe të gjatë për të bërë. Por zhvillimi i parlamentarizmit, konsolidimi i parlamentit është kushti më themelor i një sistemi demokratik. Për të mbrojtur një sistem demokratik.
Nga Clea Caulcutt, Nicholas Vinocur, Giorgio Leali and Tim Ross, Politico
Problemet e brendshme të presidentit francez i kanë zbehur ambiciet dhe kan...
