Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
"Ligjet"/ Blushi 'vë me shpatulla pas murit' Olsian Çelën: Ndiheni përgjegjës që goditen në mënyrë kriminale më të pambrojturit!?
PiranjatPërditësimi i fundit 14 Tetor 2025, 15:18
Sekretari i Përgjithshëm i Partisë së Lirisë dhe deputeti Tedi Blushi, foli gjatë mbledhjes së Komisionit për Çështjet Ligjore dhe Administratën Publike, ku mori pjesë edhe Prokurori i Përgjithshëm, Olsian Çela.
Blushi e cilësoi paraburgimin si një nga padrejtësitë më të mëdha në vend, duke e konsideruar si simbol të një shteti represiv dhe policor, që sipas tij është ndërtuar nga kryeministri Edi Rama.
“Paraburgimi është një nga padrejtësitë më të mëdha. Mbipopullimi i burgjeve është dëshmi e shtetit represiv dhe policor të Edi Ramës,” deklaroi Blushi, duke shtuar se gati 2/3 e personave në burgje janë të paraburgosur, ndërsa 1/3 e tyre janë pa aktakuzë, një shifër që ai tha se është trefish më e lartë se mesatarja e vendeve të Bashkimit Europian.
Duke vënë theksin te mungesa e drejtësisë dhe standardeve të dyfishta, Blushi u shpreh se “sot në Shqipëri dënohesh për një cigare hashash, por jo për një maune me drogë. Dënohesh për një kotec pulash pa leje, por jo për ndërtimin e një kulle pa leje.”
Ai ngriti gjithashtu alarmin për pasojat dramatike të vendimeve të prokurorisë për arrest me burg, duke përmendur edhe raste vetëvrasjesh brenda qelive.
“Kërkesat e Prokurorisë për arrest me burg po shkatërrojnë jetë njerëzish. Ka patur vetëvrasje në burg për 35 mijë lekë të vjetra detyrim ndaj OSSHE. A ndiheni fajtor, z. Kryeprokuror, që i keni shërbyer instalimit të një regjimi represiv që është i ashpër me të dobëtit dhe i butë me të fortët?”, ishte pyetja direkte që Blushi i drejtoi kryeprokurorit Olsian Çela.
Blushi: Paraburgimi është një nga padrejtësitë më të mëdha. Mbipopullimi i burgjeve, dëshmi e shtetit represiv dhe policor të Edi Ramës. Gati 2/3 e qytetarëve në burgje janë të paraburgosur dhe 1/3 e tyre janë pa akuzë. Gati 3 herë më e lartë se mesatarja e Bashkimit Europian.
Sot burgjet janë mbushur me të pafajshëm, ndërsa kriminelët janë të lirë. Sot dënohesh për 1 cigare hashash, por jo për 1 maune me drogë.
Sot dënohesh për një kotec pa leje por jo për një kullë pa leje.
Kërkesat e Prokurorise për arrest me burg po shkatërrojnë jetë njerëzish. Vullneti juaj për të kërkuar arrest me burg për lidhje të paligjshme të energjisë elektrike ka çuar në vetëvrasje brenda burgjeve. Kanë humbur jetën në burg për 35 mijë lekë të vjetra të papaguara për OSSHE. A ndiheni fajtor Z. Kryeprokuror që i keni shërbyer instalimit të një regjimi represiv që është i ashpër me të dobtit dhe i butë me të fortit.
Blushi: Ju si e shikoni rolin e Prokurorisë deri tani.
Ndiheni përgjegjës që goditen në mënyrë kriminale më të pambrojturit?
Blushi: Kemi rritje të vrasjeve, të kriminalitetit dhe të korrupsionit.
Ju a keni patur presione nga plotitikanë dhe ambasadore?
Blushi: Keni qenë pjese e "Task Forcës", cfarë masash morët ju për të parandaluar krimet zgjedhore në 11 Maj?
