"Lojë me fake-vakancat në Gjykatën Kushtetuese!" Vasili: Sulm për rrëmbimin korruptiv nga koorporatizmi dhe politika

TIRANA- Deputeti i Partisë së Lirisë Petrit Vasili ka bërë një postim në rrjetet sociale ku thotë se Gjykata Kushtetuese nuk po gjen stabilitet dhe integritet, sipas tij, për të kryer funksionin e saj dhe është sërish nën sulmin e korrupsionit koorporativo-politik dhe medias së paguar. Vasili shkruan se ka ndryshuar vetëm mënyra dhe forma e sulmit, por jo qëllimi i tij, e kësaj here sipas tij, përmes fake-vakancave antiligjore.

Ai shton se korrupsioni i koorporatës këtë radhë po përdor copa mediash të 'akaparuara' për të mbjellë lojën e fake vakancave me qëllimin e vetëm kontrollin e plotë okult të Gjykatës Kushtetuese dhe përfitimin e interesave korruptive, që rrjedhin nga ky kontroll. Sipas tij, loja me vakancën e gjyqtares së larguar Toska dhe loja me fake-vakancat e tjera, "që po duan të shpiken gjoja me fake-sebepin e rrotacionit, qelben erë me kilometra larg."

POSTIMI:

Loja me fake-vakancat në Gjykatën Kushtetuese, sulm për rrëmbimin korruptiv nga korporatizmi dhe politika! Gjykata Kushtetuese nuk po gjen aspak stabilitet dhe integritet per te kryer funksionin e saj dhe eshte serish nen sulmin e korrupsionit korporativo politik dhe medias se paguar prej tij. Ka ndryshuar vetem menyra dhe forma e sulmit por jo qellimi i tij, kete here permes fake-vakancave antiligjore.

Korrupsioni i korporatës kete radhe po perdor copa mediash te akaparuara per te mbjelle lojen e fake vakancave me qellimin e vetem kontrollin e plote okult te Gjykates Kushtetuese dhe perfitimin e interesave korruptive, qe rrjedhin nga ky kontroll.
Loja me vakancen e gjyqtares se larguar Toska dhe loja me fake-vakancat e tjera, qe po duan të shpiken gjoja me fake-sebepin e rrotacionit qelben erë me kilometra larg. Gjykata Kushtetuese permes vendimesh teresisht te manipuluara, tefalsifikuara dhe absolutisht te pavotuara, po synon ne menyre mafioze te legjitimoje kete rrembim diten per diell e mbeshtetur nga copa mediash qe bejne hapur lojen e korporates dhe te korrupsionit.

Situata faktike pas ndryshimeve kushtetuese të korrikut 2016 e bënë të pamundur respektimin e rregullit të rotacionit. Kjo u shkaktua nga vonesa në zgjedhjen e gjyqtarëve të rinj, të cilët sipas Kushtetutës u zgjodhën për një mandat të plotë në dhe pas vitit 2019, mandat i cili mbaron pas 9 vitesh, në vitin 2028 dhe më pas. Në situatën aktuale natyrshem qe eshte jetik të aplikohet parimi kushtetues, që është kohëzgjatja e mandatit të plotë dhe ndalimi i kufizimit të tij përballë rregullit kushtetues, përtëritja e përbërjes së Gjykatës Kushtetuese. Edhe në praktikën institucionale të kësaj Gjykate që prej krijimit të saj, rotacioni nuk ka qenë e mundur të respektohet plotësisht për shkak të vonesave dhe procedurave të zgjedhjes.

Në praktikën institucionale, në asnjë rast gjyqtarët nuk janë zëvendësuar menjëherë dhe gjyqtari që i ka mbaruar afati ka qëndruar në detyrë deri në zgjedhjen e pasardhësit (neni 125/7 i Kushtetutës) dhe referuar vendimeve të Gjykatës për deklarimin e mandatit ai është llogaritur vetëm nga momenti i betimit, që është dhe fillimi i detyrës, dhe nga asnjë moment tjetër. Edhe referuar qëndrimit të Komisionit të Venecias, arrihet në të njëjtin konkluzion. Komisioni i Venecias ka qene shume i qarte dhe shterrues ne Opinionin No. 978/2020 CDL-AD(2020)010 “On the appointment of judges to the Constitutional Court” states in its paragraph 107 as follows:

Për emërimin e gjyqtarëve në Gjykatën Kushtetuese” thuhet në paragrafin 107 të saj si më poshtë:

"Modeli kushtetues i miratuar në vitin 2016 është tepër kompleks dhe në terma afatgjatë do të rekomandonte thjeshtimin e tij, në radhë të parë duke hequr rregullin e sekuencës. Kuotat e tre organeve emëruese mund të ruhen duke i caktuar automatikisht rinovimin e mandatit të njëjtit autoritet që kishte caktuar gjyqtarin në largim.

"Së dyti, duhet të hiqen vitet fikse të fillimit dhe mbarimit të mandateve nëntëvjeçare. Gjyqtarët kushtetues duhet të gëzojnë gjithmonë një mandat të plotë nëntëvjeçar, edhe nëse janë zgjedhur me njëfarë vonese ose nëse marrin një mandat që është ndërprerë para kohe; ky ndryshim nuk duhet të krijojë probleme pasi të hiqet sekuenca. Ky ndryshim do ta bënte pozicionin e gjyqtarit kushtetues më tërheqës për kandidatët e kualifikuar, por edhe më kuptimplotë. (paragrafi 107)."

Kontrolli okult i Gjykates Kushtetuese eshte qellimi i vetem i lojes me fake vakancat. Perdorimi i copave te medias eshte pak te thuash qesharak per realizimin e ketij qellimi. Copat e medias se perdorur, po te kishin nje gram integritet dhe te benin zanatin e tyre duhet te shqetesoheshin se pse: Gjykata Kushtetuese në vënd të vendimarrjeve të mëdha, që lidhen me mbrojtjen e Kushtetutës, qe dhunohet çdo ditë nga qeveria, ka si çështje themelore të saj vetëm pazaret e pështira korporatiste për shitblerjen e mandateve të gjyqtarëve të saj përmes lojës korruptive së kohezgjatjes së mandateve dhe të gjoja rifreskimit të saj.

Por eshte shume e qarte se këto pazare mandatesh, te sponsorizuara edhe mediatikisht lidhen qartazi me një trafik influence te dukshem dhe një synim të qartë për nje kontroll total edhe ekstrapolitik të Gjykatës, që lidhet me interesa financiare shumë të mêdha, që vijnë erë dhe që kanë rrëzuar përtokë integritetin ligjor e moral të kësaj Gjykate. BE dhe SHBA nuk duhet te lejojne kurrsesi qe loja korporatiste dhe politike te realizoje rrèmbimin dhe rrenimin perfundimtar te Gjykates Kushtetuese dhe Reformes ne Drejtesi ne teresi e cila aktualisht eshte ne nje moment kritik dhe thuajse ne zhberje totale te saj dhe kthimin e kesaj reforme ne nje plaçke tregu te gjithfare interesash korruptive te cdo lloji.

Ceshtjet kritike sot jane aferat miliardere të Qeverise,dhunimi i të drejtave kushtetuese të qytetarëve dhe subjekteve politike, moszbatimi i vendimeve të vetë kësaj gjykate, kërkojne detyrimisht qendrimin shume te vendosur dhe pa kompromis te saj, por kjo Gjykate peng i interesave të qeverisë dhe korporatizmit korruptiv i ka munguar totalisht misionit te saj.

petrit vasili