Marrëveshja 50 mln euro për transportin, Tabaku: Qytetarët duan transparencë! Pse drejtori është sot para drejtësisë?

Tabaku

TIRANË- Deputetja e Partisë Demokratike, Jorida Tabaku gjatë seancës së sotme ka kërkuar transparencë në lidhje me fondet e Bashkisë Tiranë, referuar një marrëveshjeje të miratuar në 2021 prej 50 mln eurosh për transportin. 

Gjatë fjalës së saj Tabaku duke u referuar Blerina Gjylametit, u shpreh se propagandë mund të bëjë gjithkush, por sipas saj qytetarët kërkojnë transparencë. Ajo më tej shtoi se sot drejtori i cili menaxhoi fondin është në burg. Tabaku shtoi se janë të sigurt që drejtësia nuk po heton edhe tendera që lidhen me transportin. 

"Në 2021 Parlamenti miratoi marrëveshjen 50 mln euro për transportin ku përfitoi Bashkia Tiranë. Duhet të sqarojmë çka ndodhur me drejtorin e transporteve në bashki që menaxhoi fondin ne parë. Ai sot është në burg. Jemi të sigurt që sot drejtësia nuk po heton edhe tendera që lidhen me transportin. Propagandën e retorikën politike e bëjmë të gjithë. Por kushdo që flet aty të mos thotë pallavra. Pse drejtori është sot para drejtësisë. Pse tenderat e bashkisë janë sot nën hetim. Qytetarët presin transparencë," tha ajo.

tabaku marreveshja e transportit