Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Ogerta përfaqëson 100% Ramën/ Berisha për Binaj: Mbështetje për kandidatin e pavarur, provë e sinqeritetit politik
PiranjatPërditësimi i fundit 10 Tetor 2025, 13:16
Ish-kryeministri Sali Berisha përshëndeti deklaratën në mbështetje të kandidatit të pavarur për Bashkinë e Tiranës, duke theksuar se në skenën politike shqiptare po shfaqet më në fund një model ndryshe nga ai tradicional partiak.
Ai nënvizoi se kandidati i pavarur, i mbështetur nga opozita, nuk është një produkt i partive, por një përfaqësues i interesit qytetar dhe i transparencës. Sipas Berishës, fakti që ky kandidat ka gjetur mbështetje edhe te elektorati i pavendosur e ka “trembur pushtetin”, duke provuar se sinqeriteti dhe ndershmëria në politikë mund të fitojnë më shumë se makineritë partiake.
Berisha: E përshëndes plotësisht këtë deklaratë. Ka një linjë, ka një rrymë. Ka nga ata që nuk arrijnë të bëjnë dallimin midis kandidatit të pavarur dhe atij të mbështetur nga një parti. Kandidati jo-partiak i propozuar është i parties, ndërsa kandidati i pavarur, të cilin qytetarët e zgjedhin në interesin më të mirë të tyre, absolutisht nuk ka pse të jetë i ndikuar. Kryetarët e partive do të angazhohen me të gjitha mundësitë për të mobilizuar elektoratin partiak për ta votuar atë. E kundërta do të ishte jo reale.
Ai nuk është kandidat i propozuar nga ne apo nga partitë opozitare. Është një kandidat që partitë opozitare do ta mbështesin. Dhe unë jam marrë me modelin e transparencës.
Ndjellja e keqe që e tërboi palën tjetër, erdhi nga fakti që ky kandidat i pavarur ka premisa të marrë mbështetje të gjerë nga elektorati i pavendosur, nga zona gri apo edhe nga spektri më i gjerë i mundshëm. Kjo i tmerron ata.
Ai tha një gjë shumë të bukur se Ogerta përfaqëson 100% Edi Ramën. Kjo është e vërteta. Dhe me këtë, mendoj se intervista e tij ishte intervista e një njeriu të ndershëm dhe të sinqertë. Aty, për herë të parë, qytetarët nuk dëgjuan një politikan apo një përfaqësues të partive të flasë për partitë, liderët apo lavditë e tyre. Ai foli për qytetarët.
Tha se kam filluar punën që 8 vjeç. Dhe unë e besoj. Ai e di, e njeh çdo lloj dhimbjeje dhe vuajtjeje të qytetarëve. Ai debat, ajo paraqitje, i shërbeu qytetarëve të Tiranës.
Ju garantoj, se pikërisht për këtë qëllim, për këtë shkak, ne e kemi mbështetur plotësisht.
