Mbetjet e Kurum/ Eksperti i mjedisit: Si shtet nuk kemi kapacitete për të zhdukur këto mbetje të rrezikshme, nuk dihet se ku po shkatërrohen

TIRANË- Eksperti i mjedisit Lavdosh Feruni foli ditën e sotme lidhur me mbetjet e rrezikshme që prodhohen në vendin tonë dhe trajtimin e tyre. I ftuar në edicionin e pasdites në Syri TV, Feruni shprehet se mbetjet nga filtrat e kompanisë Kurum janë tepër të rrezikshme.

Sipas tij lajmet se nuk ka eksport mbetjesh të rrezikshme nga Shqipëria, janë shqetësuese, pasi dihet se prodhojmë mbetje të rrezikshme dhe ata janë këtu nuk janë larguar nga vendi. Më tej Feruni thotë se si shtet nuk kemi kapacitete për të zhdukur këto mbetje të rrezikshme.

Në përfundim eksperti i mjedisit shprehet se mbetjet e Kurum kërkojnë trajtim shumë të veçantë dhe se sipas tij nuk dihet se ku po shkatërrohen.

Fjala e plotë:

Kjo është e qartë tashmë që kemi të bëjmë me mbetjet që janë nga filtrat e Kururmit në këtë rast për prodhimin e çelikut dhe që janë tepër të rrezikshme. Ata janë pluhura që rrjedhin nga furra e harkut elektrik dhe padyshim janë të rrezikshme.

Imagjino një grumbull metalesh të ndryshme që shkrihen për tu bërë çelik dhe mbesin në këto filtra. Lajme sot ishin që nuk ka eksport mbetjesh të rrezikshme nga Shqipëria, duket si lajm i mirë por duket shumë shqetësuese, pasi ne e dimë që prodhojmë mbetje të rrezikshme dhe ata janë këtu nuk janë larguar nga vendi.

Ne si shtet nuk kemi kapacitete për të zhdukur këto mbetje të rrezikshme, pavarësisht që kemi dy pika me kapacitete shumë të ulëta gati të papërfillshme për të trajtuar mbetjet e rrezikshme të Kurumit.

Kurumi prodhon 700 mijë ton çelik në vit me studime shkencore rreth 2% e këtyre mbetjeve janë mbetjet e rrezikshme që janë pluhurat e ku emërtohen me termin EAFD dhe kërkojnë trajtim shumë të veçantë. Gjithë këto mbetje nuk dihet se ku po shkatërrohen këto mbetje të rrezikshme.

kurum