Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
POLITIKE
"Mbikqyrja e subjekteve jo banka, kompetencë e Bankës së Shqipërisë!" Ministri i Financave: Kursi i këmbimit ka penalizuar financat tona! Po punojmë për ndryshime ligjore...
M.B.Përditësimi i fundit 4 Shtator 2024, 11:33
Petrit Malaj
TIRANA- Ministri i Financave, Petrit Malaj, ka marrë pjesë sot në një konferencë për mediat ku deklaroi se deri në fund të vitit parashikohet ulje e nivelit të borxhit me 0.7 % krahasuar me vitin 2023, duke çuar atë në nivelin 58.2 %. Sipas Malajt, sfidë personale e tij, por dhe e qeverisë mbetet adresimi i çështjes së pensioneve.
"Një nga çështjet me të cilën po punojmë me minsitrinë e Ekonomisë e brenda muajit tetor do të kemi definuar dicka jo vetëm për pensionet port ë gjithë skemës që nuk është në të mirën e saj", tha ai.
Lidhur me kursin e këmbimit valutor, Malaj tha se ka penalizuar financat tona.
"Kursi i këmbimit ka penalizuar financat tona, sidomos nga dogana, por ka favorizuar në borxhin e nivelit të jashtëm”, tha Malaj.
Ministri u pyet dhe lidhur me skandalin e mikrokredive, për të cilat tha se janë kompetencë e Bankës së Shqipërisë dhe se po punojmë për ndryshime ligjore për të mbrojtur konsumatorin.
"Po punojmë për të bërë ndryshime ligjore ato të nevojshme për të mbrojtur konsumatoret. Por duhet të theksojmë që mbikqyrja e subjekteve jo banka është kompetencë e Bankës së Shqipërisë, dhe ajo duhet që të marrë masa rregullative për këtë çështje. Por po diskutojmë", tha ai.
