Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
POLITIKE
Mblidhet Grupi Parlamentar i PD-së, Bardhi zbulon çfarë do ndodhë
PiranjatPërditësimi i fundit 16 Shtator 2025, 14:19
Kreu Grupit Parlamentar të Partisë Demokratike, Gazment Bardhi, reagoi menjëherë pas vendimit të opozitës për të braktisur sallën e Kuvendit gjatë votimit të ndryshimeve të Rregullores.
Duke folur për mediat jashtë godinës së Parlamentit, ai theksoi se opozita ishte kundër këtyre ndryshimeve, pasi mazhoranca nuk kishte marrë parasysh kërkesat e tyre.
Gazment Bardhi u shpreh se, përpjekjet e opozitës që nga mëngjesi, duke nisur nga diskutimet dhe deri tek ato të fundit, kishin për qëllim ndryshime që ishin në përputhje me Kushtetutën, por që nuk u morën parasysh nga mazhoranca. “Pas përpjekjeve tona që nga diskutimet e mëngjesit dhe ato tani, vendosëm të mos përfshihemi në këtë procedurë antikushtetuese,” tha ai, duke theksuar se ky veprim i mazhorancës ishte në kundërshtim me parimet themelore të ligjit dhe rendit kushtetues.
Teksa kur u pyet për mundësinë e dërgimit të emrave të përfaqësuesve opozitarë në 11 komisionet që po krijohen, Bardhi u shpreh se kjo ishte një çështje që do të vendosej nga grupi parlamentar i PD-së. Ai theksoi se opozita do të sigurojë që asnjë hapësirë të mbetur bosh të mos mbetet përveçse për opozitën.
“Ky është një vendimmarrje që do e marrë grupi parlamentar. E sigurt është që ne nuk do të lëmë asnjë hapësirë bosh që i përket opozitës në Parlamentin e Shqipërisë,” theksoi deputeti demokrat.
Më tej, Bardhi njoftoi se menjëherë pas seancës së mesditës, grupi parlamentar i PD-së do të mblidhej në një mbledhje urgjente për të diskutuar hapat e ardhshëm. “Ne tani po largohemi për një mbledhje urgjente të grupit parlamentar dhe do të marrim vendime, dhe do të rikthehemi në seancën e orës 17:00,” përfundoi ai.
