Edhe pse landfilli i Fushë-Krujës është përfshirë nga flakët, denoncimet e banorëve tregojnë se në zonë...
POLITIKE
“Më 17 prill të gjithë në protestë, t’i dalim zot vetes!”- Berisha porosi deputetëve: Detyra juaj kryesore anëtarësimet e reja, t’i rezistojmë…
PiranjatPërditësimi i fundit 1 Prill 2026, 14:18
Kryetari i Partisë Demokratike tha sot (1 prill) nga mbledhja e Grupit Parlamentar se ashtu sikurse koordinatorët dhe drejtuesit politikë në qarqe, edhe deputetët kanë detyrën kryesore të anëtarësimeve të reja anë e mbanë vendit.
Ai apeloi ndaj qytetarëve që më 17 prill të mblidhen të gjithë në Tiranë në protestën kombëtare të opozitës, për të rrëzuar regjimin dhe për t’i rezistuar atij njëkohësisht.
“Edhe një herë u bëj thirrje shqiptarëve, më datën 17 të gjithë në protestë, në kryengritjen paqësore, si zëri i vetëm në Shqipëri. Në Shqipëri ka mbetur vetëm zëri i qytetarëve, për t’i dalë zot vetes”, tha Berisha.
Kryedemokrati komentoi edhe situatën aktuale të zgjedhjeve në parti dhe struktura, duke u shprehur se “gjithçka po shkon në normalitet”, por ndau një porosi kryesore edhe për deputetët prezentë.
“Ndërkohë që do e mbyll me dy kërkesa të tjera për ju zotërinj deputetë. Në të gjitha degët e vendit po zhvillohen zgjedhjet, janë zhvilluar dhe kanë ecur në normalitet në tërësinë e tyre. Por detyrë kryesore janë anëtarësimet e reja, bëra e dje një mbledhje me drejtues politikë e koordinatorë. Por secili prej jush mund të kontribuojë në mënyrë serioze në anëtarësimet e reja, është jetime për PD-në si proces. Mos harroni që ne kemi një problem madhor emigracionin apo spastrimin etnik për shkak të politikave të Edi Ramës”, u shpreh kreu i selisë blu.
Në diskursin e tij elektoral brenda partisë, Berisha e cilësoi thelbësor rolin e anëtarësimeve të reja në PD dhe madje shtoi se “ky do jetë tregues i punës së gjithsecilit”.
“Ndaj duhet të anëtarësoni e kontribuoni me të gjitha mundësitë tuaja me anëtarësimet e reja. Duhet ta vlerësojmë në shkallë maksimale, është kushti i të gjitha kushteve që kjo forcë të rezistojë ndaj kësaj diktature autoritare e bazuar në drogën dhe vjedhjen e shqiptarëve. Gjithashtu është tregues në punën e gjithsecilit, duhet ta marri në mënyrën më serioze”, përfundoi kryedemokrati fjalën e tij.
