Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
"Me firmën e Jurgis Çyrbjas kanë ndryshuar hartën me mbivendosje", Berisha ndan pamjet: Policia shoqëron disa banorë në Durrës! IMT u ka prishur tokën për të ndërtuar një rrugë
n.fPërditësimi i fundit 6 Janar 2025, 17:55
Shoqerimi nga policia
DURRËS- Kreu i Partisë Demokratike, Sali Berisha ka ndarë ditën e sotme pamje të shoqërimit të disa personave në Durrës nga policia. Berisha shkruan se kjo është sjellja kriminale e narkobanditëve me uniformë ndaj qytetarëve të pambrojtur. Ai më tej sqaron se shoqërimi i banorëve mes tyre edhe një zonjë e vjetër ka ardhur pasi IMT u ka prishur tokën e mbjellë me ullishte, për të ndërtuar një rrugë.
Berisha shton se Bashkia e Durrësit me një vendim të IKMT-së vendos të ndërtojë rrugë në tokat e barorëve të cilët kanë certifikatë pronësie. Ai thekson se me firmën e ish-deputetit socialist, Jurgis Çyrbjas i cili ndodhet në burg kanë ndryshuar hartën e mbivendosjes. Nga pamjet e publikuara duken policët të cilët tërheqin me forcë zonjën për ta futur në mjet. Një tjetër banor i cili ndodhet në mjet ka filmuar momentin ndërsa policia tenton ti marrë telefonin.
"Shihe, po na grabisin pronën", dëgjohet banori i cili debaton me policët.
Postimi i plotë i Berishës:
Sjellje kriminale e narkobanditëve me uniformë ndaj qytetarëve të pambrojtur. Ndiqni videon ku disa banorë, mes të cilëve dhe një zonjë e vjetër shoqërohen nga policia pasi IMT u ka prishur tokën e mbjellë me ullishte, për të ndërtuar një rrugë.
Bashkia e Durrësit vetëm me një vendim të IKMT vendos të ndërtoj rruge në toka të banorëve të cilët e kanë certifikatën e pronësisë origjinale por me një dokument te firmosur nga mafiozi Jurgis Qyrbja në atë kohe kanë ndryshuar hartën me mbivendosje. Policia ka shoqëruar ne polici dy pronarët e tokës. Ne këto punime nuk ka një tabel projekti te vendosur ne fillimin e punimeve! Krim! Krim! sb
