"Me ty Ilir Meta, në çdo hap!" Kryemadhi shpërndan mesazhin e ish-deputetes së PL-së: Nuk i braktis kurrë njerëzit në momentin më të vështirë të jetës

TIRANA- Deputetja Monika Kryemadhi ka shpërndarë në profilet e saj në rrjetet sociale një shkrim të ish-deputetes të LSI-së, Miranda Rira, që shpreh mbështetje për presidentin e Partisë së Lirisë, Ilir Metën. Kjo e fundit krahas shkrimit ka shpërnadrë dhe një foto me Metën. Rira shkruan se ajo nuk i brakis kurrë njerëzit, sidomos kur ata janë në momentin më të vështirë të jetës së tyre. Në fund të postimit të saj, Rira shkruan: "Me ty Ilir Meta, në çdo hap dhe në çdo sfidë".

“Unë nuk i braktis kurrë njerëzit, sidomos kur ata janë në momentin më të vështirë të jetës së tyre. Po, mund të kem mendim ndryshe, diskutime dhe debate por qëndrimi im ndaj tyre bazohet në parimin e mirënjohjes, qëndrueshmërisë dhe sakrificës, no matter what! Këto përmblidhen në atë që quhet karakter dhe kjo qëndron për çdo marrëdhënie njerëzore që unë ndërtoj. Me ty Ilir Meta, në çdo hap dhe në çdo sfidë”, është shkrimi i Rirës, që duket se Kryemadhi e pëlqen dhe e aprovon.

pl