Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
POLITIKE
Ministri i Financave: Në fund të dhjetorit caktojmë bonusin e pranverës për pensionistët
M.B.Përditësimi i fundit 11 Dhjetor 2024, 12:32
TIRANA- Ministri i Financave Petrit Malaj ka zhvilluar sot një konferencë me gazetarët, ku foli në lidhje me pagat dhe informalitetin. Ai theksoi se bizneset kanë reaguar pozitivisht ndaj punës në lidhje me informalitetin. Ndër të tjera Malaj tha se në fund të dhjetorit caktojnë bonusin e pranverës për pensionistët.
“Sa i përket rishikimit të buxhetit pritet që të ndodhë gjatë fundit të vitit. Ky është një akt shumë i rëndësishëm pasi do të duhet të bëjmë edhe një vlerësim të ecurisë ekonomike. Gjithashtu në këtë akt normativ do të përcaktojmë edhe bonusin e pranverës për pensionistët”, tha ministri i Financave.
I pyetur nga gazetarët se sa ka ndikuar rritja e rrogave të administratë në sektorin privat, ministri Malaj tha se në lidhje me ecurinë e tyre në sektorin privat nëse do të bëjnë një krahasim të tremujorit të tretë të vitit 2024 me atë të 2023 kemi një rritje prej rreth 3.5%.
“Sa i përket çështjes së rritjes së pagave në lidhje me ecurinë e tyre në sektorin privat nëse do të bëjmë një krahasim të tremujorit të tretë të vitit 2024 me atë të 2023 kemi një rritje prej rreth 3.5%. Sektori privat po e reflekton këtë trend rritës në paga. Unë besoj se do të jetë i detyruar të rrisë të njëjtin trend nëse do të dojë të mbetet konkurrues në tregun e punës”, tha ai.
