I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
POLITIKE
"Misioni i PS-së, të bëjë shtetin demokratit europian të shqiptarëve!" Rama: Po ndodhin gjëra që nuk janë korrekte! Ka prokurori, por ka edhe gjykatë
M.B.Përditësimi i fundit 28 Shkurt 2025, 17:55
TIRANA- Kryeministri njëherësh dhe kryesocialisti Edi Rama ka vijuar takimin me strukturat e partisë të njësisë 1, 2, Pezë, Ndroq dhe Vaqarr. Rama u shpreh se imazhi i Shqipërisë ka ndryshuar duke u ndalur edhe te lufta kundër korrupsionit. Sipas tij, lufta kundër korrupsionit është e vetmja rrugë që të ketë një drejtësi të pavarur. Ai tha se socilistët e bënë reformën në drejtësi, por sipas tij po ndodhin gjëra që nuk janë korrekte.
"Lufta kundër korrupsionit duhet të na bëjë krenarë. Ata që bënë çmos që mos e lejojnë të ndodhë kjo që po ndodh sot fërkojnë duart dhe na sulmojnë ne pse ndodh që njerëz që lidhen me pushtetin tonë përfshihen në hetime apo ndalime. Po këtë e kemi bërë ne me vetëdije të plotë. Unë nuk di që nga 1912 e deri pasi ne kaluam reformën në drejtësi dhe pasi u ngrit SPAK dhe Gjykata Speciale të jetë kapur ndonjë person publik, politik që edhe të jetë bërë hetimi dhe të jetë dhënë dënimi, duke qenë ky person i lidhur me qeverinë. Këtë e kemi bërë ne, nuk e kanë bërë të tjerët.
Misioni jonë dhe i PS është të bëjë shtetin demokratit europian të shqiptarëve dhe kush merr përsipër të udhëheqë duhet të marr përsipër edhe të gjitha dhimbjet që ka dhe vendimet që mund të sjellin pasoja të drejtpërdrejta. Është e vetmja rrugë për të pasur një drejtësi të pavarur. Por patjetër që po ndodhin gjëra që nuk janë korrekte. Ka prokurori, por ka edhe gjykatë. Por duhet akoma shumë durim dhe eksperiencë sepse faza ku jemi ka vetëm pavarësinë dhe shpatën, nuk e ka peshoren, nuk i ka sytë e mbyllur. Por pesë vjet ka kjo histori dhe janë shumë pak për të ndërtuar një nga tre shtyllat kryesore të shtetit, shtylla e gjyqësorit të pavarur”, tha Rama.
