Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
POLITIKE
Mitsotakis komentoi vizitën e Ramës në Greqi, kryeministri: E kuptoj prespektivën e përcjell nga homologu
I.APërditësimi i fundit 8 Maj 2024, 19:49
Edi Rama
TIRANË- Kryeministri Edi Rama ka reaguar pas komentit që homologu grek Kyriakos Mitsotakis për vizitën e tij në Athinë më 12 maj. Mitsotakis i pyetur nga mediat greke, ka theksuar se Rama nuk është i ftuar i qeverisë së tij dhe se nuk e pengojnë dot vizitën. Me anë të një postimi në X, Rama shkruan se e kupton prespektivën që është përcjell nga Mitsotakis. Po ashtu Rama ka sqaruar se vizita e tij nuk ka lidhje me çështjet e brendshme të Greqisë apo me zgjedhjet e Parlamentit Evropian në Greqi.
Është mjaft befasuese të dëgjosh deklaratat e opozitës greke, ndërkohë që mund ta kuptoj plotësisht perspektivën e përcjellë nga kryeministri grek. Kontrasti i fortë në pikëpamjet për të njëjtën çështje hedh dritë mbi arsyen pse disa janë në opozitë, ndërsa të tjerëve u është besuar qeverisja nga populli. Megjithatë, siç theksoi me të drejtë kryeministri Mitsotakis, Greqia mbetet një vend demokratik ku liderë nga vende të tjera demokratike mund të vizitojnë, të takohen me bashkatdhetarët e tyre dhe t'i lavdërojnë ata për punën e tyre të palodhur dhe kontributet e çmuara që ata japin jo vetëm për vendin ku ata jetojnë, por edhe në atdheun e tyre. Vizita ime e ardhshme në Athinë të dielën, më 12, nuk ka lidhje me çështjet e brendshme të Greqisë, zgjedhjet e Parlamentit Evropian në Greqi, apo ndonjë narrativë specifike që mund të zgjojë interesin e politikanëve grekë, por që nuk janë në axhendën e qeverisë shqiptare. Kjo vizitë është pjesë e një serie vizitash të planifikuar prej kohësh në disa vende evropiane, përfshirë Athinën, për t'u angazhuar me shqiptarët që jetojnë jashtë vendit dhe për të ndarë krenarinë e Shqipërisë për ta dhe Vision Albania 2030. Kjo ka të bëjë me vizitën time në fqinjin mik Greqinë
Vizita e Ramës zhvillohet në një kohë kur Kyriakos Mitsotakis e ka përfshirë kryebashkiakun e zgjedhur të Himarës, Fredi Beleri në listën e 42 kandidatëve në garën për një mandat në Parlamentin Europian. Ndërkohë kujtojmë se Beleri është dënuar nga GJKKO me 2 vite burg për blerje votash vitin e kaluar.
