Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
POLITIKE
Mustafaj: Eksponentë të lartë të Partisë Socialiste kanë marrë urdhër që të mos dalin në debat me përfaqësuesit e PD në studio televizive!
n.fPërditësimi i fundit 14 Prill 2025, 23:01
TIRANË- Zëdhënësi i fushatës së PD, Andi Mustafaj ka denoncuar refuzimin e debatit televiziv mes përfaqësuesve të PD-së dhe PS-së nga këta të fundit. Sipas tij eksponentë të lartë të Partisë Socialiste kanë marrë urdhër që të mos dalin më në debat, me anëtarë apo përfaqësues të Partisë Demokratike.
Mustafaj shtoi se ata janë zëvendësuar me anëtarë të partive të vogla të cilat nuk kanë synim qeverisjen e vendit. Ai theksoi se debati demokratik po mohohet, në një kohë kur qytetarët kanë të drejtën të njihen me programin dhe personat që kërkojnë t’i përfaqësojnë në Parlament.
"Eksponentë të lartë të Partisë Socialiste kanë marrë urdhër që të mos dalin më në debat, me anëtarë apo përfaqësues të Partisë Demokratike. Janë zëvendësuar me anëtarë të partive të vogla të cilat nuk kanë synim qeverisjen e vendit.
Ky fakt duhet të jetë shumë shqetësues për çdo qytetar shqiptar. Debati demokratik po mohohet, në një kohë kur qytetarët kanë të drejtën të njihen me programin dhe personat që kërkojnë t’i përfaqësojnë në Parlamentin e Republikës së Shqipërisë. I bëjmë thirrje të gjithë mediave që në shenjë proteste, për çdo anullim të një eksponenti të PS-së, të lenë një karrige bosh, dhe të lejojnë anëtarin e Partia Demokratike, përfaqësuesin e Partisë Demokratike që të shpalosë vizionin, programin e Partisë Demokratike për ‘Shqipërinë Madhështore’," tha Mustafaj.
