“Myslimanët i falen Allahut 5 herë në ditë!” Rama: Ne i falemi BE-së mëngjes, drekë, darkë

TIRANA- Kryeministri Edi Rama mori pjesë në takimin “Shqipëria 2030 në BE - Rruga e Reformave” ku u shpreh mirënjohës për vlerësimet pozitive që ka marrë Shqipëria nga Këshilli Evropian dhe BE për punën që vendi ynë po bën për t’u anëtarësuar në familjen e madhe evropiane. Ai tha se myslimanët i falen Allahut 5 herë në ditë ndërsa ne i falemi BE-së mëngjes, drekë, darkë. Ai shtoi se BE është edhe një familje ku shqiptarët mund të jenë përfundimisht të sigurt dhe të kenë një të ardhme të pa kërcënuar përditë nga e shkuara.

“Nuk e prisja që do vinte një ditë që unë do shprehesha me tone shumë pozitive për Këshillin Evropian. Por jemi shumë mirënjohës për ekspertizën që kemi marrë nga Këshilli Evropian. Ne ngelëm duke e falënderuar BE-në mëngjes drekë darkë. Myslimanët falen pesë herë, i falen Allahut pesë herë, ne i falemi BE-së më shumë se pesë herë në ditë...

Unë jam këtu për ta konfirmuar fuqishimisht. Besojmë pa kushte në këtë proces, e dimë shumë mirë se BE nuk është një park ku shkohet për qejf, është një familje jo e lehtë për të qenë pjesë. Por është edhe një familje ku mund të jemi përfundimisht të sigurt dhe të kemi një të ardhme të pa kërcënuar përditë  nga e shkuara”, tha Rama.

edi rama