Ndoqi meshën e shenjtë të Pashkës Ortodokse në Tiranë, eurodeputeti grek do takojë sot Fredi Belerin në qeli

Manolis Kefaloyannis dhe Fredi Beleri

FIERI- Eurodeputeti grek, Manolis Kefaloyannis, ndodhet për një vizitë në Shqipëri. Dje në ditën e Pashkëve, Kefaloyannis ndoqi meshën e shenjtë në Katedralen Ortodokse të Ngjalljes së Krishtit në Tiranë. Sot në orën 11.00 Kefaloyannis mësohet se do të vizitojë në burgun e Fierit kandidatin për eurodeputet të Mitsotakis, kryebashkiakun e zgjedhur të Himarës Fredi Beleri, ky i fundit i dënuar për shit-blerje votash. Po ashtu bëhet me dije se eurodeputeti grek do të takohet gjithashtu me përfaqësues të minoritetit në Shqipëri për të diskutuar me ta çështje siç është ajo e pronave.

Fredi Beleri u arrestua dy ditë para zgjedhjeve të 14 majit, pasi akuzohej se siguroi vota kundrejt pagesave. Ndonëse i arrestuar, Beleri kandidat i "Bashkë Fitojmë" u shpall fitues në zgjedhjet për kryetar bashkie në Himarë. Ndërkohë Gjykata e Posaçme për Korrupsionin dhe Krimin e Organizuar vendosi më 5 mars që ta shpallë fajtor për korrupsion aktiv në zgjedhje dhe e dënoi atë me 2 vjet burg. Beleri ka bërë vazhdimisht rekurs për tju lejuar betimi si kryebashkiak por gjykata ja ka rrëzuar kërkesat e bëra.

fredi beleri