Vapa përvëluese e këtij viti, sipas Kombeve të Bashkuara, është paralajmërim për katastrofën globale të klim&e...
POLITIKE
Ndryshimet në qeveri, Tabaku: 5 ministra financash të ndërruar, por asgjë nuk ka ndryshuar në xhepin e qytetarëve
M.B.Përditësimi i fundit 30 Korrik 2024, 20:09
Jorida Tabaku
TIRANA- Deputetja e Partisë Demokratike Jorida Tabaku, ka folur në lidhje me ndryshimet e ministrave dhe votiminin e tyre në seancën e sotme. Tabaku ka ngritur pikëpyetjen nëse pesë ndryshimet e mëhershme kanë sjellë ndonjë ndryshim në të ardhurat e fermerëve, shtresës së mesme apo punëtorëve. Gjithashtu ajo ka shtuar se 5 ministra financash janë ndërruar dhe asgjë nuk ka ndryshuar në xhepin e qytetarëve.
DEKLARATA:
Sot, mazhoranca votoi disa ndryshime në Qeveri ndryshimet e radhës ku për herë të gjashtë u votua dhe ministri i Financave, i ndryshuar. A do të sjell kjo një model të ri ekonomik, një impuls të ri në ekonomi, një zhvillim ekonomik që deri më sot i ka munguar ë Shqipërisë? A do të sjell kjo një mbështetje për shtresën e mesme, që ka qenë e mbitaksuar për nëntëdhjetë e pesë për qind të shqiptarëve, të cilët kanë vuajtur rritjen e taksave në këto njëmbëdhjetë vite? A do ketë një model ndryshe për fermerët?
Një mbështetje të re me subvencione? Po edhe eliminimin e TVSH-së, një varre të tepërt që ka ekzistuar në këto vitet e fundit, a do ketë kjo një mbështetje për fasonerinë?
E cila sot është një nga sektorët që është në faliment si rezultatet e ish vlerësimit të euros, a do të sjell kjo një model ndryshe? përveç zhvillimit të ndërtimit e të kullave, për t’u fokusuar nga ekonomia e pakicës në ekonominë e shumicës Përgjigjja është jo, asnjë ndryshim nuk do të sjell, ashtu siç nuk sollën edhe gjashtë ministrat e parë e gjashtë ndryshimet e para, ashtu siç nuk do të sjellë asnjë ndryshim tjetër në qeveri, sepse sot
Sistemi i ngritur fatkeqësisht është në funksion të pakicës: një ekonomi në shërbim të elitave, një ekonomi që fatkeqësisht nuk prodhon më asgjë këdo që të vënë, sido që të vënë një sistem i kalbur, me korrupsion që fatkeqësisht ka detyruar sot të largohen shqiptarët masivisht. Përgjigjja sigurisht është ndryshimi i sistemit, po ndryshimi i qeverisjes.
