Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
"Në 12 vite 30 herë kam shkuar në restorant", Rama: Mund të rri pa ngrënë edhe dy ditë! Nuk bëj udhëtime në avion me biznes klas
n.fPërditësimi i fundit 11 Mars 2025, 10:26
TIRANË- Kryeminstri Edi Rama gjatë fjalës së tij në rrjetet sociale ka dhënë detaje nga udhëtimet dhe jeta e tij e përditshme. Rama u shpreh se jeton për të bërë gjëra dhe jo për të konsumuar. Ai u shpreh para ndjekësve se në këto 12 vite që ka qenë në krye të qeverisë mund të ketë shkuar 30 herë në restorante. Rama gjithashtu u shpreh se mund të ketë raste që rri pa ngrënë edhe dy ditë. Sipas tij vaktet i konsumon në shtëpi.
"Kush më njeh e di shumë mirë që unë nuk punoj për të jetuar, unë jetoj për të punuar. Unë jetoj për të bërë gjëra, jo për të konsumuar gjëra. Kush më njeh e di shumë mirë, që qysh se jam bërë kryeministër mund të kem dalë në restorante nuk e di, thuajse në 12 vjet tanimë të të them 30 herë në total. Janë shumë. Dhe nga këto 25 me siguri me familjen. Është sakrificë e madhe për familjen, për fëmijët tanë, por është kështu.
Të gjithë pjesën e kënaqësive të imagjinuara ose propaganduara si ha e pi, kush më njeh e di shumë mirë që s’kam lidhje fare me këto. Patjetër që më shijon një ushqim i mirë kur është mundësia, por mund të rri pa ngrënë edhe dy ditë. E bëj për arsye të favoreve që ka organizimi me këtë gjë. Nëse arrin të bësh një cikël prej 48 orësh vetëm me ujë, është një gjë pozitive për organizimin. Është gjëja më normale për mua që përgjithësisht të ha një vakt në darkë dhe në darkë në shtëpi rregullisht. Në drekë tek ajo tavolina aty mbrapa nëse ha drekë," tha ai.
Rama më tej foli edhe për udhëtimet e tij teksa theksoi se nuk bën fluturime private por si të gjithë bën udhëtime ekonomike. Sipas tij po ta kishte në dorë nuk do të udhëtonte aq shpesh dhe do ti minimizonte. Ai theksoi se deklaratat se Rama bën fluturime private janë broçkulla.
"Udhëtimet, nëse do kisha mundësi t’i këpusja me thikë dhe ti minimizoja, do i minimizoja. Se janë udhëtime pune, jo qefi. Janë udhëtime pune dhe prandaj më vjen si zor shumë dhe gabime ca kërkojnë këtë njerëz kur flasin broçkulla, jo mori avion privat. Jo fluturime luksi, fluturimet private me familjen, i bëj vetëm ekonomik si të gjithë të tjerët. Thonë jo mori avionin, jo udhëtoi me çarter etj. Unë udhëtimet i bëj për punë, vetëm për punë dhe jo për veten time. Udhëtimet me familjen i kam në ekonomik, ato pak që janë.
Udhëtoj me avion në ekonomik dhe jo në biznes. Përjashtuar ato udhëtimet e gjata në SHBA-të. Ça janë udhëtime në Europë, janë të gjitha në ekonomik. Çfarë flisni, për ça thoni, ja fjalë e vërtetë (bie kambana)... Pra kur vjen puna te jeta e secilit nuk e di askush nuk përveç atij secilit dhe familjes,” shtoi ai.
