Luka Modric pritet t’i japë fund aventurës së tij me fanellën e Kroacisë pas më shumë se një dekade të mbus...
POLITIKE
"Në Durrës, votuesit u intimiduan nga eksponentë kriminalë"/ Bylykbashi: Vota për PD kur të hapen kutitë e qytetit
E.DPërditësimi i fundit 12 Maj 2025, 04:21
TIRANË- Drejtuesi politik i PD, Oerd Bylykbashi ka reaguar në lidhje me procesin e numërimit në Qarkun Durrës, duke u ndalur te problematikat kriminale gjatë procesit të votimit në 11 maj. Gjatë një prononcimi për A2 CNN, Bylykbashi theksoi se votuesit u intimiduan nga njerëz të paautorizuar pranë QV-ve, që shoqëroheshin nga eksponentë kriminalë.
Duke iu referuar shifrave të publikuara nga KQZ raportoi se nga kutitë e para kryeson në qarkun bregdetar PS me 1752 vota ndërsa PD-ASHM ka 974 vota, Bylykbashi u shpreh se, kutitë që janë hapur aktualisht i përkasin zonave, ku tradicionalisht është blerë vota nga PS dhe se demokratët presin kutitë e qytetit bregdetar për të bërë ndryshimin.
"Procesi i votimit nuk ka patur asnjë përjashtim në raport me shkeljet tradicionale absolutisht të papranueshme të procesit zgjedhor. Prezencë e lartë e personave të paautorizuar pranë qendrave të votimit, e gjitha kjo në funksion të presionit mbi zgjedhësit. Sigurisht edhe pse janë vendosur mekanizma të rinj, vullneti për ta shkelur këtë ka bërë që përsëri të mbetet problem intimidimi i zgjedhësve. Janë konstatuar sidomos në javën e fundit fenomenet e shitblerjes së votës. Kemi parë mungesë të plotë veprimi nga Task Forca që u trumbetua më të madhe. Nuk u pa asgjë ndaj organizata kriminale patën mundësi të veprojnë. Gjithsesi mbetet për tu parë cili është efekti i veprimtarisë elektorale, pasi kemi parë asfalt elektoral edhe në pasditen para zgjedhjeve," tha Bylykbashi.
