"Ne spostuam rrugën e heroinës nga Shqipëria në Serbi"/ Berisha: Rama bëri narkoshtet! Themelet i hodhi në 2015-n kur mbuloi nga jugu në veri Shqipërinë me kanabis

TIRANË- Kryedemokrati Sali Berisha deklaroi gjatë kësaj mbrëmjeje se ata kanë spostuar rrugën e heroinës nga Shqipëria në Serbi. I ftuar në emisionin 'Debat' të Alba Alishani në A2CNN, Berisha tha se Rama në këto 12 vitë pushet ka bërë vetëm narkoshtet duke shtuar se themelet i hodhi në vitin 2015 kur mbuloi nga jugu në veri Shqipërinë me kanabis.

Berisha shtoi se Shqipëria kishte treguesit më të mirë në luftën kundër drogës.

“Sot është viti i 12-të i Edi Ramës në pushtet. Narkoshtetin nuk e filloi as këtë vit, as një vit më parë. Themelet i hodhi në 2015-n kur mbuloi nga jugu në veri Shqipërinë me kanabis. Isha zëri i parë në Shqipëri dhe botë kur fola për narkoshtet.

Shqipëria kishte treguesit më të mirë në luftën kundër drogës. Së pari, rruga kryesore e heroinës nga lindja, kalonte nëpër Shqipëri. Dokumentet e kohës provojnë se ajo u spostua, kalonte nga Maqedonia në Serbi. Së dyti kishte parcela kanabisi vetëm një fshat dhe ky quhej Lazarat. Së treti, në brigjet e Italisë, në vitin 2012, kanë kaluar gjithsej 12,5 kg kokainë nga Shqipëria. Saqë Italia hoqi kontrollin kufitar me Shqipërinë. Moratoriumi i skafeve pati efekte të shkëlqyera.

Arben Ahmetaj e parashikoi që kjo është para për ekonominë shqiptare. Por sot kjo para ka shkatërruar dhjetëra mijëra vende pune të ndërmarrjeve të eksportit, të cilat vetëm me rënien e euros 35% kanë humbur çdo fitim," tha Berisha.