Kombet e Bashkuara mbështesin çdo përpjekje për të organizuar bisedime midis Rusisë dhe Ukrainës, tha zëvendësz...
POLITIKE
Nesër seanca e parë e gjykimit në themel, Ilir Meta: Plot çudira do të ndiqni gjatë procesit
PiranjatPërditësimi i fundit 26 Prill 2026, 14:55
Kreu i Partisë së Lirisë, Ilir Meta, ka reaguar përmes një postimi në rrjetet sociale, duke ngritur akuza ndaj sistemit të drejtësisë dhe një prokurori që, sipas tij, ka ndjekur standarde të dyfishta në trajtimin e çështjeve.
Meta pretendon se i njëjti prokuror ka injoruar një kallëzim zyrtar të bërë nga Kontrolli i Lartë i Shtetit lidhur me çështjen e CEZ-it, duke e mbyllur atë me shpejtësi, ndërsa nga ana tjetër ka marrë në shqyrtim një kallëzim që ai e cilëson të rremë ndaj tij.
Sipas Metës, ky kallëzim është bazuar në dëshmi që, sipas tij, janë konsideruar më parë si pa vlerë prove, ndërsa ai shton se personi që ka bërë kallëzimin ka dhënë versione të ndryshme për të njëjtën çështje.
Ai paralajmëro se do të bëjë publike detaje të tjera gjatë procesit gjyqësor dhe njofton se do të jetë i pranishëm në seancën e parë të gjykimit në themel.
Reagimi:
Asnjë çudi nga Drejtësia me Regji! I njëjti prokuror, që injoroi kallëzimin zyrtar të bërë nga Kontrolli i Lartë i Shtetit (institucioni i vetëm kushtetues për auditimin e Qeverisë) dhe bëri një pushim rrufe të kallëzimit për faljen e 479 milion euro të taksapaguesve shqiptarë që Edi Rama ia fali CEZ-it, i njëjti prokuror që nuk e thirri asnjëherë KLSH-në për ta pyetur për këtë padi zyrtare, është po i njëjti prokuror që mori seriozisht një kallëzues të rremë, të nxitur nga Edi Rama kundër meje, për të cilin Prokurorja e Krimeve të Rënda me vendim e ka konsideruar dëshmitar indirekt dhe se "dëshmitë" që jepte nuk kishin vlerën e provës. Jo vetëm kaq, por ky prokuror, i cili në vitin 2016 ju kundërvu KLSH-së deri në Gjykatën e Lartë për të mbyllyr aferën e 479 milion euro dëm interesit publik, me vetëdije mori seriozisht dëshmitarin indirekt kundër meje, i cili përpara se të regjistronte kallëzimin kundër Ilir Metës me urdhër të Edi Ramës në tetor 2017, kishte dhënë dy dëshmi krejt të ndryshme për çështjen DIA, njërën para prokurorisë dhe tjetrën para Komisionit Hetimor Parlamentar për çështjen e CEZ-it. Por siç del edhe nga dëshmia e Z. Elvis Mataj, në Vjenë, ka qenë po ky kallëzues i rremë edhe nxitësi kryesor që Z. Mataj të jepte dëshmi të rreme pro Z. Kastriot Ismailaj. Dhe plot çudira të tjera, që do t'i ndiqni gjatë procesit. Shihemi nesër, në ora 11:00, në seancën e parë të gjykimit në themel!
