Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
Nga çështja e pronave te pushimi dhe puna e policisë së shtetit, ja vendimet që u miratuan sot nga Këshilli i Ministrave
M.B.Përditësimi i fundit 10 Korrik 2024, 16:18
Kryeministria
TIRANA- Sot është mbajtur mbledhja e radhës e Këshillit të Ministrave ku janë miratuar disa vendime. Një nga vendimet e miratuara në parim, është ai i marrëveshjes së grantit, (asistenca teknike) Shqipëria: Rehabilitimi i linjës hekurudhore Vorë-Hani i Hotit / zbatimi i projektit dhe mbikëqyrja e punimeve, ndërmjet Shqipërisë dhe Hekurudhës Shqiptare dhe Bankës Evropiane për Rindërtim dhe Zhvillim, mbështetur nga Fondi i Përbashkët Evropian për Ballkanin Perëndimor, me një grant, në shumën 7 500 000 euro.
Një tjetër vendim i miratuar sot është për dhënien e mendimit Kuvendit të Republikës së Shqipërisë për projektligjin joqeveritar “Për një ndryshim në ligjin nr.35/2023, “Për kompetencat për caktimin e pagave, trajtimeve të tjera financiare dhe përfitimeve të të punësuarve në institucionet e administratës publike, si dhe të pagës bazë minimale në shkallë vendi””. Ky vendim hyn në fuqi menjëherë.
Ndërkohë vendimet e tjera lidhen me çështjen e pronave, regjitrimin e të drejtave të autorit, strategjitë e krimit kundër krimit të organizuar, rehabilitimin urban, për kohën e punës dhe pushimin të policisë së shtetit.
