Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Nga ëndrra europiane te specat me pesticide, Xhixho: Shqipëria e Ramës, rrezik për rajonin
PiranjatPërditësimi i fundit 7 Shtator 2025, 22:55
Erisa Xhixho, deputetja e Partisë së Lirisë, ka denoncuar publikisht rastin e specave të eksportuar nga Shqipëria drejt Sllovenisë, të cilët u refuzuan pasi u konstatuan me sasi të larta pesticidesh.
Në një postim në Facebook, Xhixho shkruan se siguria ushqimore në vend është “zero”, ndërsa rastet kur produktet shqiptare bllokohen, kthehen ose asgjësohen nga tregjet e huaja, tregojnë qartë se shqiptarët nuk kanë asnjë garanci për atë që u servirin fëmijëve të tyre në tryezë.
Shqipëria europiane që Rama u premtoi shqiptarëve jo vetëm që nuk garanton dot sigurinë e ushqimit që ata konsumojnë përditë, por po bëhet rrezik edhe për të tjerët’, shkruan Xhixho.
Gjithashtu Xhixho ka renditur një sërë produktesh ushqimore të cilat kanë bllokuar brenda vitit nga shtetet fqinje, pasi kanë rezultuar me probleme të shumta dhe të rrezikshme për shëndetin e konsumatorëve.
Postimi i plotë:
Siguria ushqimore në Shqipëri është zero. Produktet shqiptare që bllokohen, kthehen ose asgjësohen në vendet ku eksportohen, janë prova më e qartë se shqiptarët nuk e dinë çfarë u vënë në tryezë fëmijëve të tyre.
Shqipëria europiane që Rama u premtoi shqiptarëve jo vetëm që nuk garanton dot sigurinë e ushqimit që ata konsumojnë përditë, por po bëhet rrezik edhe për të tjerët.
Specat e bllokuar në Slloveni janë vetëm një tregues i papërgjegjshmërisë institucionale që kërcënon shëndetin e qytetarëve sa herë ulen në tryezë.
AKU mund të dalë prapë me deklarata për të “qetësuar” konsumatorin shqiptar, duke i thënë se “i kanë ngrënë të tjerët, mos u shqetësoni”, por e vërteta e hidhur është se raste të tilla tregojnë dështimin e tij si institucion.
Në më pak se një vit:
* Kroacia ka refuzuar eksportin e specave shqiptarë për shkak të niveleve të larta të pesticideve
* Mandarinat e kontaminuara që nuk u lejuan të hyjnë në BE, përfunduan në tregun vendas
* Luleshtrydhet u gjetën me pesticide të ndaluara
* Në tregun shqiptar u konstatua peshk me parazit Anisakis
* Mishi i derrit dhe i pulës rezultoi i kontaminuar me salmonelë
* Akulloret rezultuan me oksid etileni kancerogjen
* Kroacia bllokoi pjeshkët shqiptare për shkak të përmbajtjes së lartë të nikelit
