Firma amerikane e teknologjisë Amazon njoftoi planet për të investuar 16 miliardë euro (18 miliardë dollarë) në Gjermani n&...
POLITIKE
Nis numërimi i votave në Cërrik dhe Mat!
PiranjatPërditësimi i fundit 9 Nëntor 2025, 22:20
Numërimi i votave në Bashkinë e Cërrikut ka filluar tashmë, ku janë gjithsej 57 kuti votimi. Në këtë garë për kryetar bashkie konkurrojnë tre kandidatë: Eligert Hima nga Shqipëria Bëhet, Amarildo Hoxha i pavarur dhe Florenc Doka nga Partia Socialiste.
Po ashtu, ka nisur numërimi i votave në Bashkinë e Matit. Sipas të dhënave të Komisionit Qendror të Zgjedhjeve, Mat ka shënuar pjesëmarrjen më të lartë nga të pesë bashkitë, me 39.23% të votuesve që morën pjesë në zgjedhje. Në këtë garë kandidojnë tre persona: Altin Bojni nga Partia Socialiste, si dhe Eduart Brahilika dhe Suzana Pasha, të dy kandidat të pavarur.
Në Berat, socialistët fitojnë mbi 90 përqind të votave
Në Berat është hapur kutia e parë në KZAZ 67, ku kryeson kandidati socialist Ervin Ceca 145 vota, ndjekur nga i pavaruri Pavllo Shkarpa 8 vota ndërsa 6 vota janë shpallur të pavlefshme. Ky është rezultati i parë nga Berati për zgjedhjet e pjesshme.
Në Tepelenë, kandidati i PS kryeson me diferencë të thellë
Pas përfundimit të procesit të votimit këtë të diel, ka filluar numërimi i votave në Bashkinë Tepelenë. Sapo është numëruar kutia e parë, e cila ka rezultuar në një avantazh të thellë për PS. Në kutinë e parë të Nivicës, kandidati i PS, Gramoz Sako, ka marrë 199 vota, ndërsa Gabriel Guma vetëm 6 vota.
Ndërsa në fshatin Sinanaj, Gramoz Sako i PS ka marrë 111 vota, ndërsa Gabriel Guma, ka marrë 26 vota.
